Сурхондарё вилояти Жарқўрғон туманида 4 та автомобиль иштирокида йўл-транспорт ҳодисаси содир бўлди, дея хабар бермоқда вилоят ЙҲХБ матбуот хизмати.
Қайд этилишича, 2021 йил 1 август куни Жарқўрғон тумани ҳудудидан ўтувчи М-41 1573-километрида «Жигули» ҳайдовчиси қарама–қарши йўналишдан келаётган Nexia-3 ва Damas автомобилларининг чап ёнига урилиб, уларнинг орқасидан келаётган Cobalt билан тўқнашган йўл-транспорт ҳодисаси содир этган.
Оқибатда Cobalt йўловчиси воқеа жойда вафот этган.
Суриштирув ишларида «Жигули» ҳайдовчиси ҳайдовчилик гувоҳномаси бўлмай туриб, ўзига тегишли бўлмаган машинани меъёрдан ортиқ тезликда бошқаргани маълум бўлган.