Walt Disney Studios ўз компанияси ходимларидан коронавирусга қарши мажбурий вакцинациядан ўтишни талаб қилади, деб хабар беради «Film.ru».
«Ходимларимизнинг хавфсизлиги ва фаровонлиги биз учун доим устувор вазифа бўлган ва шундай бўлиб қолади. Шу сабабли биз ёлланма ва исталган майдончамизда фаолият кўрсатувчи, касаба уюшмаларига аъзо бўлмаган соатбай ишчилар тўлиқ вакцинациядан ўтишини талаб қиламиз. Вакциналар — бутун дунёда пандемия бўлган вақтда энг яхши назорат воситаси ва ходимларимизнинг ҳимоясидир», — дейилади студиянинг расмий баёнотида.
Аввалроқ Facebook ва Google компаниялари масофадан ишлаётган ходимлар офисга қайтишидан аввал коронавирусга қарши эмланиши лозимлигини маълум қилганди. Netflix эса актёрлар ва съёмка майдонида улар билан алоқада бўладиган бошқа ходимларни мажбурий вакцинациядан ўтказиш ҳақида эълон қилган. Ушбу компанияларда шу пайтгача қанча ходим эмлангани ҳақида маълумот берилмаган.
Изоҳ (0)