Ушбу картиналар меҳр-оқибат, адолат, сабр-тоқат ва орзу қилишга ўргатади. Мазкур фильмларда қаҳрамонлар ҳар қандай тўсиқларга дуч келса ҳам, уларни енгиб ўтади. Персонажларни кутаётган жуда қизиқ саргузаштлар катталарни ҳам, болаларни ҳам бефарқ қолдирмайди. Қуйида уларнинг бир нечтасини эътиборингизга ҳавола этамиз.
Сеҳрли Рождество
Фильм қаҳрамони Жинни Гренжер байрамнинг қувонч келтириши мумкинлигини унутганига узоқ вақт бўлган. У арзимаган маош учун ишлайди, бу эса ўзи, икки фарзанди ва ишсиз эрига яшаш учун етарли эмас. Рождество нима эканлигини эслатиш учун, фаришта Жиннига ёрдамга келади.
Жасоратли юраклар синмайди
Сонора Уэбстер – ҳақиқий цирк актрисаси. У етим бўлиб, ўз орзусини рўёбга чиқариш учун қочиб кетди. Ва, албатта, ўз мақсадига ажойиб «ўжарлик» билан эришади.
Того
Ушбу фильм Того лақабли ит ҳақида ҳикоя қилади. 1925 йилда у дифтерия эпидемиясининг олдини олишга ёрдам берган ва Алясканинг Ном шаҳрида кўплаб болалар ҳаётини сақлаб қолган. Того хаски зотидан бўлса-да, бир нечта хўжайин билан «чиқиша олмайди», лекин ақлли эгаси туфайли у ўз исмини тиббиёт тарихи китобига киритади.
Ота-оналар учун тузоқ
Холли Паркер исмли қиз Калифорнияда отаси билан, тенгдоши Энни Жеймс эса онаси билан Англияда яшайди. Уларнинг иккаласи ҳам тўкис оилани орзу қилади. Тасодифан лагерда танишиб қолган қизлар ўзларининг эгизак эканликларини тушунади. Ота-оналари эса кўп йиллар олдин ажрашган, опа-сингиллар уларнинг бирлашиши учун ўрин алмашади. Айтганча, эгизакларнинг ролини Линдси Лохан ижро этган.
Оқ сўйлоқтиш
Овчи онасини ўлдиргач, бўри боласи — Оқ сўйлоқтиш етим қолди. У Клондайкка келган йигит билан учрашиб қолади. Тақдир уларни ажратади ва яна бирлаштиради: одам ва бўри бир-бирларига оғир шароитларда омон қолиш учун ёрдам беради.
Александр ва қўрқинчли, даҳшатли, ёмон, жуда ёмон кун
Эрта тонгдан ҳаммаси тескарисига бўлса-ю, бундан ҳам ёмони бўлмаслигига ишончингиз бўлмаса ўйлаш керак: бу ҳақиқатан ҳам ёмонми? Оилага муҳаббат ва соғлом ҳазил туйғуси болакай Александрга ва унинг оиласига энг ёмон кунларда ҳам омон қолишга ёрдам беради.
Бу уйнинг эгаси ким?
Адвокат Жек Стуржез ажойиб қизга уйланмоқчи. Аммо унинг 11 ёшли ўғли онаси билан бирга яхши ҳаёт кечиришларига амин, шунинг учун у режаларини бузмоқчи. Бироқ унинг «рақиби» жуда кучли.
Жодугар тоғ
Сет ва Сара Жек Брунонинг таксисига ўтириб таъқибдан қутулиб қолади. Эркак тез орада болалар ҳақиқатан ҳам ҳимояга муҳтожлигини тушунади, гарчи улар жуда ғайриоддий бўлса ҳам.
Дидла билан биргаликда
Эгизаклар Стю ва Фил Дидлов туғилган кунида мактабдан қувиб чиқарилади. 18 ёшли ўғилларининг шўхлигидан чарчаган ота, уларни лагерга юборади. Аммо биродарлар у ерда муносиб рақиб, Фрэнк Слейтер билан учрашиб, уни ғазаблантиришда давом этади.
Мери Поппинс қайтади
Воқеа Лондонда 30 йилларда бўлиб ўтади. Банк ходими Майкл Банкс Вишневий кўчасида, 17-хонадонда яшайди. Унинг учта фарзанди бор, онаси фильм воқеалари бошланишидан бир йил олдин вафот этган. Банк қарздорлик учун Майклнинг уйини олиб қўймоқчи.
Майкл ва унинг синглиси Жейн отаси Жорж уларни банкдаги улушини қолдирганини эслайди. Уйдан Майкл эски ҳаво шарини топиб, уни кераксиз нарса сифатида ташлайди. Болалар уни осмонга учиради ва у ердан Мери Поппинс тушади. Шу пайтдан бошлаб ҳақиқий мусиқий эртак бошланади.
Мавзуга доир:
Изоҳ (0)