Токио—2020 Олимпиадасининг футбол баҳслари гуруҳ босқичининг сўнгги 3-тур ўйинлари 28 июль, чоршанба куни бўлиб ўтди.

Фото: «Дарё» / Ҳусан Собитов

А гуруҳида муддатидан аввал кейинги босқич масаласини ҳал этган мезбон Япония Францияни 4:0 ҳисобда тор-мор келтирди. Мексика эса ЖАРни мағлуб этиб, 1/4 финалга чиқди.

Фото: «Дарё» / Ҳусан Собитов

B гуруҳида Жанубий Корея Гондурасни мағлуб этиб, кейинги босқичга йўл олган бўлса, Янги Зеландия Руминия билан дуранг ўйнаганига қарамай, гуруҳдан чиқиш вазифасини уддалади.

Фото: «Дарё» / Ҳусан Собитов

C гуруҳидан эса Испания ва Миср жамоалари 1/4 финалга чиқди. Аргентина ҳамда Австралия эса гуруҳда қолиб кетди.

Фото: «Дарё» / Ҳусан Собитов

D гуруҳида Бразилия Саудия Арабистонини енгди ва 1/4 финалга йўл олди. Германия эса гуруҳнинг иккинчи ўйинида Кот-д’Ивуарни мағлуб этолмай гуруҳда қолиб кетди.

Шу тариқа Токио Олимпиадасининг гуруҳ босқичи ўйинлари якунланди. Чорак финалга йўл олган жамоалар: Бразилия, Кот-д’Ивуар, Испания, Миср, Янги Зеландия, Жанубий Корея, Япония ва Мексика. Фаворитлар қаторида кўрсатилган Германия, Аргентина ва Франция эса гуруҳда қолиб кетди. 1/4 финал тўқнашувлари 31 июль санасига белгиланган: Ундаги жуфтликлар қуйидагича кўриниш олди:

  • Испания U-23 — Кот-д’Ивуар U-23;
  • Япония U-23 — Янги Зеландия U-23;
  • Бразилия U-23 — Миср U-23;
  • Жанубий Корея U-23 — Мексика U-23.

Токио—2020, футбол

3-тур баҳслари

28 июль, чоршанба

А гуруҳи

ЖАР U-23 — Мексика U-23 0:3

Голлар: 0:1 – 18 Вега, 0:2 – 45 Ромо, 0:3 – 60 Мартин.

Четлатишлар: Малепе (57) — Родригес (66).

Франция U-23 — Япония U-23 0:4

Голлар: 0:1 – 27 Кубо, 0:2 – 34 Сакаи, 0:3 – 70 Миёси, 0:4 – 90+1 Маэда.

Четлатиш: Коло-Муани – 74 (Франция).

B гуруҳи

Жанубий Корея U-23 — Гондурас U-23 6:0

Голлар: 1:0 – 12, пенальти Ҳван Ий Жо, 2:0 – 19, пенальти Вон Ду Же, 3:0 – 45 Ҳван Ий Жо, 4:0 – 52, пенальти Ҳван Ий Жо, 5:0 – 64 Ким Жин Я, 6:0 – 82 Ли Кан Ин.

Четлатиш: Мелендес – 39 (Гондурас).

Руминия U-23 — Янги Зеландия U-23 0:0

C гуруҳи

Австралия U-23 — Миср U-23 0:2

Голлар: 0:1 – 44 Райан, 0:2 – 85 Ҳамди.

Испания U-23 — Аргентина U-23 1:1

Голлар: 1:0 – 66 Мерино, 1:1 – 87 Белмонте.

D гуруҳи

Саудия Арабистони U-23 — Бразилия U-23 1:3

Голлар: 0:1 – 14 Матеус Куня, 1:1 – 27 ал-Амри, 1:2 – 76 Ришарлисон, 1:3 – 90 Ришарлисон.

Германия U-23 — Кот-д’Ивуар U-23 1:1

Голлар: 0:1 – 67, автогол Ҳенрихс, 1:1 – 73 Левен.