АҚШ президенти Жо Байден ҳамда Ироқ бош вазири Мустафо ал-Козимий АҚШ ҳарбий миссиясининг 2021 йил охиригача мамлакатдан чиқиб кетиши борасида ўзаро келишувга эришди. Бу ҳақда Associated Press хабар қилган.
Агентлик ахборотига кўра, АҚШ ҳарбийлари Ироқдаги жанговар ҳаракатларда иштирок этмайди ва маҳаллий аскарларни ўргатиш ҳамда уларга маслаҳат бериш билан шуғулланади.
Эслатиб ўтамиз, 2011 йилда АҚШ Ироқдаги ҳарбийларни олиб чиқиб кетишни бошлаган, аммо 2014 йилда Мосулга ИШИД террорчилари ҳужум қилганидан кейин яна Ироқ ҳудудига қайта киритилганди. 2019 йилда Суриядаги АҚШ ҳарбийлари ҳам Ироқ ҳудудига ўтказилган. Кейинчалик уларнинг Қатар ёки Кувайтга ўтказилиши маълум қилинган.
Аввал сентябрь ойига қадар АҚШ ҳарбийларининг Афғонистон ҳудудидан чиқиб кетиши эълон қилинган ва апрель ойидан қўшиннинг олиб чиқиб кетилиши бошланганди, америкалик ҳарбийлардан ташқари Германия, Италия, Австралия ҳамда НАТО ҳарбийлари ҳам мамлакатдан олиб чиқиб кетилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)