Автоматлаштирилган тизимнинг ишга туширилиши шарафига Гулистон аҳолиси транспорт карталарини тўлиқ бепул сотиб олиши мумкин. Улар орқали йўл ҳақи тўлаш эса нақд пул билан тўлашдан кўра арзонроқ бўлади.
15 июлдан бошлаб, жамоат транспортида йўл ҳақи учун автоматлаштирилган тўлов тизимини жорий этиш пойтахтдан ташқарига чиқди. Энди йўл ҳақи учун АТТО картаси билан Гулистон (Сирдарё вилоятининг маркази) автобусларида ҳам тўлов қилиш мумкин. Лойиҳа АТТО компанияси ва Транспорт вазирлиги ҳамкорлигида амалга оширилди.
Жамоат транспорти карталари 8 та шаҳар йўналишида қабул қилинади. Уларда ҳаракатланувчи барча 53 та Isuzu автобуслари АТТО карталари билан контактсиз тўловларни амалга оширишга имкон берувчи мобил валидаторлар билан жиҳозланган.
Йўналишлар рўйхати:
- №1 — Марказий бозор—1 даҳа;
- №2 — Марказий бозор—2-4-5 даҳалар;
- №3 — Т/й бекати—Дўстлик маҳалласи;
- №4 — Т/й бекати—Карапчи қишлоғи, Водников қишлоғи орқали;
- №8 — Т/й бекати—Баҳор маҳалласи;
- №9 — Т/й бекати—Вилоят касалхонаси;
- №12 — Т/й бекати—Гулистон давлат университети;
- №13 — Т/й бекати—Буюк келажак маҳалласи;
- №17 — Маҳалла, «Сайҳун» савдо маркази—Т/й бекати.
Транспорт карталарини иккита сотув нуқтасида — Буюк келажак мавзеси ва Гулистон деҳқон бозорида сотиб олиш мумкин. Келгусида шаҳар аҳолисига қулай бўлиши учун аҳоли гавжум бўлган яна бир нечта нуқталарни қамраб олиш режалаштирилган.
Транспорт картаси балансини АТТО, MyUzcard, Payme, Upay, Apelsin ва бошқа тўлов хизматларининг мобил иловалари орқали, шунингдек, карталарни сотиш жойларида ҳам тўлдиришингиз мумкин. Бугунги кунга қадар Гулистон шаҳрида 700 дан ортиқ АТТО транспорт карталари сотилди.
ATTO’нинг ижтимоий тармоқлардаги саҳифаларига обуна бўлинг ва компаниянинг янгиликлари ҳамда акцияларидан хабардор бўлинг.
Telegram: https://t.me/attouz
Facebook: https://www.facebook.com/atto.uz/
Instagram: https://instagram.com/atto_uz?igshid=1rqr9epwrceui
Реклама ҳуқуқи асосида.
Изоҳ (0)