D-Max quest’да иштирок этиш учун 4 кишидан иборат гуруҳни тўплаш, Ўзбекистон бўйлаб саёҳат қилишга тайёр бўлиш, қизиқарли бошқотирмалар оламига кириш ва энг муҳими, 30 июлгача рўйхатдан ўтишга улгуриш керак.
SamAuto’дан travel-quest йўналиши бутун мамлакатни қамраб олади. Иштирокчилар қизиқарли топшириқларни бажаришади, бошқотирмаларни ечиб, ўзлари учун гўзал, номаълум бўлган жойларни кашф этишади. Бош соврин — ISUZU D-Max пикапи.
«D-Max quest фалсафаси — қалбан яқин бўлганларни йиғиш ва саргузаштлар томон йўл олиш. Энг яхши хотиралар ва энг ёрқин ҳис-туйғулар одатдаги ҳаёт тарзимизни ўзгартириб, сирли, қизиқарли, ҳаяжонли ҳиссиётлар сари шўнғиганимизда пайдо бўлади. Quest давомида сиз Ўзбекистоннинг нақадар гўзаллигини ва ҳали инсон оёғи етмаган жойларга бойлигини ҳис қиласиз. SamAuto’дан илк travel-quest’нинг бир қисми бўлиш имкониятини қўлдан бой берманг», — дея таъкидлади SamAuto ҚК МЧЖ маркетинг департаменти директори Мунисхон Исроилова.
Quest 3 босқичдан иборат
1. Саралаш босқичи 2 августдан 15 августгача. Ушбу босқич учта вазифадан иборат бўлиб, кейинги босқичга ўтиш жамоанинг барча вазифаларни бажарган ёки бажармаганлигига боғлиқ;
2. Гуруҳ босқичи 23 августдан 26 сентябргача. Ушбу босқичга ўтган жамоалар гуруҳларга бўлинади. Ушбу босқичда ҳакамлик балл тизимига асосланади, кейинги босқичга чиқиш учун имкон қадар кўпроқ балл тўплаш керак бўлади. Ҳар бир гуруҳдан мос равишда биринчи ва иккинчи ўринларни эгаллаган иккитадан жамоа сўнгги босқичга чиқади;
3. Финал босқичи 4 октябрдан 16 октябргача. Ушбу босқичда жамоалар «Олимпия сеткаси» бўйича чиқиб кетиш шарти билан беллашади ва натижада фақат битта жамоа қолади. Шуни таъкидлаш жоизки, автомобиль ғолиб жамоанинг эълон қилинган сардорига берилади.
Нима қилиш кераклиги ҳақида қисқача
4 кишидан иборат жамоани йиғинг, уни 30 июлгача https://dmaxquest.uz/ сайтида рўйхатдан ўтказинг. Ўзбекистон бўйлаб саёҳатга йўл олинг, бошқотирмаларни ечинг ва ISUZU D-Max пикапи соҳибига айланинг.
Рўйхатдан ўтиш 30 июль соат 23:59 гача давом этади.
Саволларингизга дарҳол жавоб берамиз.
Жамоа Ўзбекистоннинг исталган шаҳридан бўлиши мумкинми?
Ҳа, Ўзбекистоннинг исталган жойидан travel-quest топшириқларини бажариш мумкин. Вазифалар келтирилган жойлашув манзиллари республика бўйлаб тарқатилган.
Айнан қандай ISUZU D-Max пикапи ўйналмоқда?
Соврин қизил ISUZU D-Max Irbis пикапи бўлади. Бу икки қатор кабинали, 5 та ўриндиқли, двигателининг ҳажми 3 литр ва автомат узатмалар қутиси бўлган модель. Ташкилотчилар мукофот олгандан кейин юзага келадиган шахсий даромад солиғини тўлашни ўз зиммасига олишади.
Travel-quest — бу нима?
Travel-quest — бу турли хил жумбоқларни ечиш ва бутун Ўзбекистон бўйлаб саёҳат қилиш учун саргузашт кўринишидаги ўйин (жумбоқлар мамлакатнинг турли шаҳарларида тарқатилади). Сизнинг жамоангиз уч босқич давомида бошқа жамоалар билан рақобатлашади (батафсил квест ҳақидаги блокда баён қилинган). Асосий соврин — ISUZU D-Max пикапи.
Ўзингизнинг шахсий кабинетингизда ўз жамоангизни рўйхатдан ўтказиб (4 киши: капитан ва яна учта иштирокчи) биринчи вазифани кутинг. Сиз уни 2 августда оласиз.
Қатнашиш учун тўловлар борми?
Йўқ, D-Max quest’да қатнашиш барча босқичларда бепул. Асосийси, жамоани йиғиш ва рўйхатдан ўтказишга улгуриш (30 июль соат 23:59 гача). Шуни эслатиб ўтмоқчимизки, иштирокчилар йўл ва бошқа харажатларни ўзи қоплайди.
Автомобиль бўлиши шартми?
Йўқ. Ҳаракатланиш усули quest иштирокчилари томонидан танланади. Белгиланган нуқталарга поезд, самолёт, такси, йўловчи машиналар орқали боришингиз, ҳаттоки машинани ижарага олишингиз ва бошқа вариантлар ҳам мумкин.
Автомобиль ютиб олиш учун автомобилингиз бўлиши шарт эмас.
Бошқотирмалар қийин вазифаларми?
Йўқ, улар қувноқ, қизиқарли ва қисман ҳаяжонли бўлади!
D-Max quest’ни қандай вақт оралиғида бажариш керак?
Гуруҳ ва финал босқичи вазифалари ҳар икки ҳафтада бир марта бажарилиши керак. Сизда дам олиш ва ўзингизга вақт ажратишга имконингиз бўлиши ҳақида қайғурамиз.
Қўшимча маълумотлар ва рўйхатдан ўтиш имконияти https://dmaxquest.uz/ сайтида.
SamAuto’дан илк travel-quest’да қатнашиб, ҳаётингизни янада ёрқинроқ қилинг!
«SamAvto» МЧЖ ҚК фаолияти тўғрисидаги тўлиқ ахборотни https://www.samauto.uz/ сайти, шунингдек, Facebook, Instagram ва Telegram саҳифаларидан топишингиз мумкин.
Реклама ҳуқуқи асосида.
Изоҳ (0)