Товарларнинг нархи — бу харидор харидни амалга оширишида ҳисобга оладиган танлов мезонларидан бири. Бу омил ҳар доим ҳам энг муҳим ҳисобланмайди. Бошқа омиллар ҳам рол ўйнайди: маҳаллий рақобат даражаси, сизнинг савдо таклифингизнинг ўзига хослиги, маълум бир вақтда маҳсулотингизга бўлган талаб ва бошқалар.
Жуда паст нарх — бу оддатда нотўғри қарор. Сиз сотишдан муносиб пул ишлай олмайсиз ва бу ишбилармонлар даромадининг ҳам кескин қисқаришига сабаб бўлади. Ҳаддан ташқари юқори нарх сизга нархларни кузатишга эринадиган бир нечта тасодифий харидорларни олиб келади ва савдо таъсирли бўлмайди. Маҳсулотга қўйилган оптимал нарх OLX’га қўяётган ҳар қандай маҳсулотингиз учун идеал бўлади.
Биз турли хил тоифадаги товарларни баҳолашни ва самарали савдо қилишни ўрганамиз.
1-мезон: ўртача бозор нархи
Агар сизнинг ассортиментингиз бозор билан тўлдирилган товар аналогларидан иборат бўлса, ўртача бозор нархига мос келадиган нархни белгилаш мақсадга мувофиқ бўлади. Сизнинг молларингизнинг ўртача нархини ҳисоблаш қийин эмас, фақат OLX’да нарх белгиларини кузатиб бориш кифоя. Нархни атайлаб пасайтириш шарт эмас. Чунки бу харидорларда товарларнинг сифатига нисбатан кераксиз гумонларни кучайтиради. Имконият умидида ортиқча баҳо беришингиз ҳам мижознинг шунчаки маҳсулотингиз ёнидан ўтиб кетишига сабаб бўлади.
Хулоса
Топилиши осон ва юқори рақобатга эга маҳсулотлар учун нархни бозордаги вазиятдан келиб чиқиб танлаш.
2-мезон: харажатларни ҳисобга олиш ва маржа
Қулай нархлаш опцияси: барча харажатлар ва инвестицияларни жамланг, устига ўзингизнинг фойда миқдорини қўйинг ва нархни белгиланг. Бу қуйидаги ҳолларда самарали ишлайди:
- маҳсулотингиз маҳаллий бозорда етишмаса ва унинг нархларини таққослаш имкони бўлмаса;
- сиз ўзингиз ишлаб чиқарувчисиз ва сизнинг маҳсулотингиз ўзига хос тарзда ноёб, рақобатчилардан кескин фарқ қилади ёки умуман ўхшаши йўқ;
- сиз ўзингизнинг товар маҳсулотингизни ёки жаҳон брендларининг асл маҳсулотларини сотасиз. Бундай маҳсулот нархи савдо маркаси томонидан белгиланади ва шунчаки бозордан паст бўлиши мумкин эмас (агар гап оммавий савдо ҳақида бўлмаса).
Хулоса
Агар сизнинг маҳсулотингиз ноёб савдо афзалликларига эга бўлса, барча харажатларни кўриб чиқинг ва бемалол ўз фойдангизни қўшинг.
3-мезон: савдолашиш мумкин ёки келиштирамиз
Эҳтимол, харидорлар ва сотувчилар учун энг кенг тарқалган ва таниш бўлган ёндашув, бу нархни атайлаб ошириб юбориш ва унга мумкин бўлган чегирмаларни олдиндан қўйишдир. Бу бозорда кам бўлган, ҳар бир бурчакдан сотиб олинмайдиган товарлар учун ишлайди.
Хулоса
Сиз тажриба сифатида чегирмага тайёр эканлигингизни эълон қилишингиз мумкин. Буни бир ёки икки марта синаб кўриб, кейин ҳақиқий нархни белгилаб қўйишингиз лозим.
4-мезон: мутахассислар фикри билан қуролланинг
Бу нафақат қадимий буюмлар ва заргарлик буюмларига тегишли. Дизайнерларнинг ҳар қандай товарлари, кўчмас мулк, ноёб парфюмерия — агар сиз ушбу йўналишлардан бирини эгаллашга қарор қилсангиз ва уларда тажрибангиз бўлмаса, аввал эксперт баҳоловчиларнинг фикрига мурожаат қилиш мантиқан тўғри бўлади. Вақти келиб сиз нархларни мустақил равишда тасарруф этиш учун мавзуни етарлича ўзлаштирасиз, лекин дастлаб буни мутахассисларнинг ёрдамисиз қила олмайсиз.
Хулоса
Сотиш нархини шакллантиришда махсус билим талаб қиладиган ҳар қандай савдо позициялари (оддий истеъмол товарларидан ташқари) учун мутахассисларга мурожаат қилинг.
Товар бизнесида асосий нарса нархни манипуляция қилишга имкон бериш эмас, балки сифатга, бой ассортиментга, ўлчамларнинг кенг доирасига таяниш ёки аксинча, ўзига хосликка эътибор бериш, маҳсулотнинг тор сегментларини излашдир. Шундагина сиз нархни адолатли бошқара оласиз.
Муваффақиятли сотувлар учун энг катта хизмат — OLX’да сиз нафақат самарали сотишингиз, балки савдо бизнесининг барча сирларини ўрганишингиз мумкин.
Реклама ҳуқуқи асосида.
Изоҳ (0)