Ўзбекистонда 25 июль куни 705 кишида коронавирус инфекцияси қайд этилди. Ўзбекистон Соғлиқни сақлаш вазирлиги ахборотига кўра, мамлакатда пандемия бошидан бери коронавирусга чалингани расман тасдиқланган шахслар сони 124 995 нафарга етган.

Янги касалланиш ҳолатларининг:

  • 71 таси Қорақалпоғистон Республикасида,
  • 21 таси Андижон вилоятида,
  • 18 таси Бухоро вилоятида,
  • 73 таси Жиззах вилоятида,
  • 43 таси Қашқадарё вилоятида,
  • 13 таси Навоий вилоятида,
  • 35 таси Наманган вилоятида,
  • 69 таси Самарқанд вилоятида,
  • 26 таси Сирдарё вилоятида,
  • 59 таси Сурхондарё вилоятида,
  • 64 таси Фарғона вилоятида,
  • 37 таси Хоразм вилоятида,
  • 80 таси Тошкент вилоятида,
  • 96 таси Тошкент шаҳрида

коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Қайд этиш жоиз, Қашқадарё вилоятида 25 июль куни коронавирусга чалинганлар сони бўйича 2021 йил антирекорди қайд этилди — бунгача вилоятда бир кунлик касалланиш бўйича энг юқори кўрсаткич 9 июнь куни кузатилган, ўшанда 27 кишида касаллик аниқланган эди. Айни вақтда, Тошкент шаҳрида сўнгги 12 кундаги энг паст натижа қайд этилди — бунгача июль ойидаги энг паст кўрсаткич 13 июль куни қайд этилган, ўшанда 93 кишида касаллик аниқланган эди, шундан бери пойтахтдаги кунлик касалланишлар сони 100 тадан камаймаётган эди.

Иллюстрация: Соғлиқни сақлаш вазирлиги матбуот хизмати

Бундан ташқари, 25 июлда кун давомида 482 нафар кишида пневмония аниқланди (таққослаш учун, 24 июль куни 494 кишида, 25 июль куни 507 кишида (йил антирекорди) пневмония тасдиқланган эди).

Шунингдек, 25 июлда кун давомида Қорақалпоғистонда 97 нафар, Жиззах вилоятида 119 нафар, Қашқадарё вилоятида 29 нафар, Навоий вилоятида 17 нафар, Наманган вилоятида 18 нафар, Самарқанд вилоятида 183 нафар, Сурхондарё вилоятида 141 нафар, Фарғона вилоятида 68 нафар, Хоразм вилоятида 22 нафар, Тошкент вилоятида 59 нафар, Тошкент шаҳрида 58 нафар бемор — мамлакат бўйича жами 811 нафар бемор тузалиб, жами соғайганлар сони 119 449 нафарга (касалликка чалингани расман қайд этилганларнинг 95 фоизи) етди.

«Шунингдек, 7 нафар коронавирусга чалинган бемор вафот этиб, касалликдан вафот этганлар сони 839 нафарни ташкил қилди», — дейилади ССВ ахборотида. 25 июль якунларига кўра, мамлакат касалхоналарида даволанаётган беморлар сони 4707 нафарни (пневмонияга чалинганларни ҳам қўшиб ҳисоблаганда — 5189 нафарни) ташкил этмоқда — бу 24 июлдаги даволанаётган беморлар сонидан 113 нафарга (пневмонияга чалинганлар сонини ҳам қўшиб ҳисоблаганда — 125 нафарга) кам.