Оддий, аммо самарали 6 усул: уй шароитида сочларни фен ва дазмолсиз қандай текисласа бўлади?

Сочларни текислаш учун ҳар доим ҳам фендан фойдаланиш шарт эмас, баъзида сиз эътибор бермаган оддий усуллар ҳам ўйлаганингиздан яхшироқ самара беради.

1-усул: Сутдан фойдаланинг

Сут таркибидаги оқсил сочларни мустаҳкамлайди. Совуқ сут солинган идишга сочларингизни 10 дақиқага солинг. Устидан махсус бош кийим кийиб 30 дақиқадан кейин оддий шампунь билан ювиб ташланг. Сочларни қуритиш давомида текис қилиб таранг.

2-усул: «Тога»

«Тога» — сочларни фен ва дазмолсиз текислашнинг лотин-америкача техникасининг номи ҳисобланади. Ювилган сочларни табиий қуритинг, кейин номига таранг. Охиригача қуритгандан кейин сочларни бош атрофидан айлантириб «невидимка» билан маҳкамланг. Тонгда сочларингиз текис ва жилокор бўлади.

3-усул: Резинкадан фойдаланинг

Уйқудан аввал сочларингизни иккига бўлиб, йиғинг. Кейин ҳар 3 сантиметрга эластик резинка тақинг. Тонгда резинкани ечиб сочларни таранг.

4-усул: Бигуди ёрдамида текисланг

Ювилган сочларни бигудига ўранг. Ёпишадиган, пластик бигуди яхши самара беради.

5-усул: Табиий ниқоб

Бунинг учун бир неча ниқобдан фойдаланишингиз мумкин.

1-вариант: 240 мл кокос сутига 1 ош қошиқ асал қўшинг.

2-вариант: 470 мл сутга 1 та тухум қўшинг.

3-вариант: 240 мл кокос сутига 5 ош қошиқ лимон шарбати, 2 ош қошиқ зайтун ёғи ҳамда 3 ош қошиқ жўхори крахмали солинг.

6-усул: Уй шароитида желатин билан ламинация

Ҳафтада 1-2 марта қилиш тавсия қилинадиган ва биринчи мартадаёқ самара берадиган муолажа учун 1 ош қошиқ желатинни уч ош қошиқ сувга аралаштиринг. Микротўлқинли печга қўйинг кейин эса ярим ош қошиқ бальзам қўшинг. Ниқобни илдизига теккизмасдан соч узунлиги бўйлаб суртинг. Махсус бош кийим кийиб, 40 дақиқадан кейин оддий шампунда ювиб ташланг.

Плойка ва фенсиз соч қуритишга ёрдам берадиган воситалар

Зардоб

Махсус зардобларни нам сочга суртинг ва сочларни табиий йўл билан қуритинг.

Текисловчи кремлар

Бундай кремларни ҳам зардоб сингари суртиш ва қуришини кутиш керак.

Спрей

Спрейларни нафақат нам, балки қуруқ сочларга ҳам қўлласа бўлади. Илдизидан бошлаб учигача суртгандан кейин тараш ҳамда қуришини кутиш керак.