Ўзбекистон Ички ишлар вазирлигида бир қатор тайинловлар амалга оширилди, дея хабар қилмоқда вазирлик матбуот хизмати.
Хусусан, ички ишлар вазирининг шахсий таркиб бўйича буйруғи билан подполковник Рустам Жалолдинов Андижон вилояти Хўжаобод тумани ИИБ бошлиғи лавозимига тайинланди.
Тайинловга қадар Жалолдинов шу ернинг ўзида ИИБ бошлиғининг биринчи ўринбосари — тезкор-қидирув хизмати бошлиғи лавозимида фаолият юритган.
Шунингдек, майор Фарҳод Вафоев Бухоро вилояти Қоровулбозор тумани ИИБ бошлиғи вазифасини бажарувчи этиб тайинланган.
Тайинловга қадар Фарҳод Вафоев Когон тумани ИИБ бошлиғининг биринчи ўринбосари лавозимида фаолият юритган.
Эслатиб ўтамиз, июнь охирларида Қоровулбозор тумани ИИБ бошлиғи лавозимида ишлаб келган подполковник Файзулла Исмоилов Бухоро вилояти Олот тумани ИИБ бошлиғи лавозимига тайинланганди.
Мавзуга доир: Ички ишлар органлар ходимлари ва уларнинг оила аъзоларини шахсий маълумотларини тарқатганлик учун жавобгарлик белгиланади
Изоҳ (0)