Сассекс герцоги ва герцогинясининг қироллик оиласини тарк этишининг сабабларидан бири молиявий мустақилликка эришиш билан боғлиқ бўлган. Шунга қарамай жуфтлик, кўчиб кетганидан кейин ҳам Гаррининг отаси, шаҳзода Чарльздан ёрдам пули олгани маълум бўлганди.
Экспертлар молиявий мустақиллик Меган ва Гаррига қанчага тушганини ҳисоблаб кўрган. Маълумотларга кўра, жуфтлик биринчи йилнинг ўзида 19 миллион доллар йўқотган.
Энг аввало уйга тўлов қилиш учун 9,5 миллион миқдорда ипотека кредити олинган — йиллик тўлов тахминан 475 минг долларни ташкил қилади. 4,1 миллион долларни хавфсизлик, 300 минг долларни эса уйдаги тозалаш ва хизмат кўрсатишга сарфлаган.
Бундан ташқари, улар Frogmore коттеджини таъмирлатиш учун олинган тахминан 2 миллион долларни тўлашга розилик берган. Шунга қарамай, энди жуфтлик шаҳзода Чарльздан бошқа пул олмайди, бу эса уларнинг 3,15 миллион доллардан маҳрум бўлганини билдиради.
Эслатиб ўтамиз, АҚШга кўчиб ўтиш учун Сассекс герцоги ва герцогинясида дастлабки капитал аллақачон йиғилган эди. Меган тўйигача ишлаб топган маблағи 5 миллион долларни ташкил қилган. Даромадининг асосий қисмига «Форс-мажор» сериали сабаб эга бўлган. Гаррида эса онаси — малика Дианадан қолган 40 миллион доллар бўлган.
Изоҳ (0)