Қашқадарё вилоятининг Чироқчи туманида икки Nexia иштирокида юз берган ЙТҲда 3 киши ҳалок бўлди. Бу ҳақда вилоят ИИБ матбуот хизмати хабар берди.
Маълум бўлишича, 12 июль куни соат 09:20 лар атрофида Чироқчи тумани ҳудудидан ўтган Еттитом—Қарши йўлининг 53-километрида ҳаракатланиб кетаётган Nexia-1 ҳайдовчиси бошқарувни йўқотиб, ўз йўналишида ҳаракатланиб кетаётган Nexia-2’га тўқнашган.
Оқибатда ҳар иккала машина ҳайдовчиси тан жароҳати олиб, шифохонага ётқизилган.
Nexia-1’да йўловчи сифатида кетаётган она-бола, Nexia-2’да эса бир нафар йўловчи олган оғир тан жароҳатлари оқибатида воқеа жойида ҳалок бўлган.
Аввалроқ Қашқадарёнинг Муборак туманида йўлнинг нотекислиги сабаб юзага келган ЙТҲ оқибатида Nexia ҳайдовчиси ҳалок бўлгани, Қарши шаҳрида юриб кетаётган Nexia-2 ёниб кетгани ҳақида хабар берилган эди.
Мавзуга доир:
- Наманганда Damas билан тўқнашган Лабо ҳайдовчиси вафот этди
- Бухорода машина ҳайдашни ўргатувчи инструктор бошқарувидаги Matiz ағдарилиб кетди
- Наманганда Damas ҳайдовчиси MAN юк машинасига бориб урилиши оқибатида ҳалок бўлди
- Тошкентда Damas ҳамда Matiz тўқнашиши оқибатида 2 ҳайдовчи тан жароҳати олди
Изоҳ (0)