Ижтимоий тармоқларда Қашқадарё вилояти Косон тумани тиббиёт бирлашмаси ходимлари мажбурий меҳнатга жалб қилингани ҳақида хабар тарқалди. Унда шифокорлар, ҳамширалар бир ҳафтадан бери ҳашарда эканлиги айтилган.
Меҳнат вазирлиги матбуот хизматининг маълум қилишича, ушбу хабар юзасидан Қашқадарё вилояти Бандлик бош бошқармаси Давлат меҳнат инспекцияси томонидан ўрганиш олиб борилганида, тиббиёт бирлашмаси ходимлари бошқа ҳудуддаги ободонлаштириш ишларига мажбурий тарзда жалб этилганлиги аниқланди.
Мазкур ҳолат бўйича Косон тумани тиббиёт бирлашмаси бошлиғига нисбатан Маъмурий жавобгарлик тўғрисидаги кодекснинг 51-моддаси 1-қисмига асосан базавий ҳисоблаш миқдорининг 50 баробари (12 миллион 250 минг сўм) миқдорида маъмурий жарима қўлланилди.
Бундан аввал Ўрта Чирчиқда тиббиёт ходимларини мажбурий меҳнатга жалб этган поликлиника раҳбари шунча миқдорда жаримага тортилган ҳақида хабар берилган эди.
Изоҳ (0)