Тошкент шаҳри Яшнобод туманида икки автомобиль тўқнашуви натижасида ҳайдовчилар тан жароҳати олди, дея хабар бермоқда ЙҲХББ.

Фото: ЙҲХББ

Маълум қилинишича, 2021 йилнинг 10 июль куни соат 13:45 ларда Тошкент шаҳар Яшнобод тумани Катта Янгиобод–Чилон-ота кўчалари чорраҳасида ҳайдовчи, 1992 йилда туғилган И.Т. бошқарувидаги Matiz русумли ҳамда 1996 йилда туғилган Х.Б. бошқарувида бўлган Damas русумли автомобиллар иштирокида тўқнашув содир бўлган.

Натижада икки ҳайдовчи ҳам тан жароҳати олиб, шифохонага мурожаат қилган.

Фото: ЙҲХББ

Мазкур ЙТҲ юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда.

Бундан аввал Бухорода пиёдалар йўлакчасида фуқарога йўл бермай ҳаракатланган Damas ҳайдовчиси жаримага тортилгани, Муборакда йўлнинг нотекислиги сабаб юзага келган ЙТҲ оқибатида Nexia ҳайдовчиси ҳалок бўлгани ҳамда Самарқандда Lada Largus ва Mercedes юк машинаси иштирокидаги ЙТҲ оқибатида 2 киши ҳалок бўлгани ҳақида хабар берилганди.