Кундалик турмушимиз ва образимизни кроссовкаларсиз тасаввур қила олмаймиз. Гардеробда муҳим ўрни бўлган спорт услубидаги оёқ кийимлар бугунга келиб нафақат ишланган матоси, балки нарх жиҳатидан ҳам фарқ қилади. Баъзи кроссовкаларнинг бошқаларидан қиммат бўлиши тақдим қилинган пойабзалдан нечта нусхада ишлаб чиқарилгани, унинг ўзига хослиги (ишлатилган матоси ва дизайнерлик иши)га боғлиқ бўлиши мумкин. Ишлаб чиқарувчилар ҳамиша ҳаракатда — янги трендлар ва коллаборациялар тақдим қилишдан чарчамайди.

Air Jordan билан ҳамкорликда ишланган Solid Gold OVO кроссовкалари

Фото: «Woman’s Day.ru»

Соф олтиндан ишланган ва оғирлиги 40 килони ташкил қиладиган мазкур кроссовка 2 миллион доллар туради. Таниқли рассом Метю Сенна томонидан дизайни ишлаб чиқилган пойабзал айни вақтда рэпернинг шахсий коллекциясидан ўрин олган.

Air Jordan 1985 йил

Фото: «Woman’s Day.ru»

Фото: «Woman’s Day.ru»

Баскетболчи Майкл Жорданнинг дастхати туширилган мазкур кроссовкаларнинг ўзига яраша тарихи бор. Кроссовкаларнинг эгаси 2021 йилнинг қишида ушбу оёқ кийимни ҳақиқийлигини тасдиқловчи сертификат билан бирга  eBay’да сотувга қўйган. Белгиланган бошланғич нарх 1 миллион долларни ташкил қилган.

Air Jordan 1

Фото: «Woman’s Day.ru»

Nike томонидан илк бор тақдим қилинган кроссовка модели Майкл Жордан учун махсус ишланган эди. Кроссовка «Сўнгги рақс» ҳужжатли фильмининг тақдимотидаги аукционда сотувга қўйилган ва 650 минг доллар эвазига харид қилинган.

Converse Fastbreak

Фото: «Woman’s Day.ru»

Ушбу қимматбаҳо спорт пойабзалини ҳам Майкл Жордан кийган. Кроссовка баскетболчининг ҳақиқий дастхати билан бирга аукционга қўйилган ва нархи 190 373 долларга баҳоланган. Converse Fastbreak’нинг тарихи АҚШнинг 1984 йил Лос-Анжелесда бўлиб ўтган Олимпия ўйинларидаги ғалабаси билан боғлиқ.

Air Jordan 12 ОVО (Дрейк билан ҳамкорликда ишланган)

Фото: «Woman’s Day.ru»

Бу рэпер Дрейк ва Nike брендининг илк ҳамкорликдаги иши. Машҳур шахслар билан бирга ишланган кроссовкалар дарҳол машҳур бўлгани сабаб ушбу пойабзалнинг нархи 100 минг доллар этиб белгиланган.