13 сентябрдан 17 сентябрга қадар Тошкентда UDAW—2021 дизайн, архитектура ва девелопмент ҳафталиги бўлиб ўтади. Жорий йилда соҳа мутахассислари учунчи бор Тошкентда йиғилишади. Аввалги UDAW ҳафталиклари ўзини дизайн ва архитектура соҳасида, минтақадаги энг катта воқелик сифатида намоён қила олди. Турли йилларда ном қозонган дизайнерлар — Карим Рашид, Хуан Пабло Молино, Мануэль Нуньес Яновский ва бошқалар UDAW меҳмонлари бўлишади.
UDAW—2021 дизайн, архитектура ва девелопмент ҳафталиги — бу бутун дунё бўйлаб йирик қурилиш компаниялари раҳбарлари, таниқли дизайнерлар, машҳур меъморлар — жами 5000 мингдан ортиқ мутахассисларни бир ерга жамлайдиган улкан лойиҳа. UDAW—2021 компания ва мутахассисларга ўз салоҳиятини юзага чиқариш, мазкур йўналишдаги халқаро мутахассислар билан танишиш ҳамда улар билан дизайн ва архитектура тенденцияларини муҳокама қилиш имконини беради.
Тадбир ташкилотчилари дизайн, архитектура ва ривожланиш бўйича соҳа лидерларини UDAW—2021 сафига қўшилиш ва ҳамкорлик алоқларини ўрнатишга, дизайн, умуман, қурилиш саноатининг ривожланишига ҳисса қўшишга чорлайди. UDAW—2021 — бу дизайн ва архитектура ҳафталигининг кўп сонли ресурсларида PR ва ўз бизнесини реклама қилиш учун кенг воситалар тўплами.
UDAW ҳамкорига айланиш
Аввалги йилларда бўлгани каби UDAW—2021 доирасида UDAW Expo кўргазмаси ҳамда дизайнер, архитектор ва девелоперлар халқаро конференцияси бўлиб ўтади. Иккала тадбир ҳам халқаро экспертлар, соҳа вакиллари ва ўз фаолиятини эндигина бошлаган мутахассисларни бирлаштирадиган, тажриба алмашиш ва эришилган ютуқларни намойиш қилиш платформаси бўлиб хизмат қилади.
UDAW—2021 халқаро конференцияси спикерлари
Келли Хоппен — британиялик таниқли дизайнер ва декоратор, ўз дизайн мактабига асос солган, бир неча китоблар муаллифи, телебошловчи.
The Daily Telegraph ва Vogue нашрлари уни мунтазам равишда дунёдаги энг нуфузли дизайнерлар рўйхатига киритади. Ўз хонадонларини жиҳозлашни Келлига ишониб топширган шахсларнинг исмлари буни яна бир бор тасдиқлайди: қироллик оиласи аъзолари, Бекхем ва Дональд Трамп жуфтликлари. 2020 йилда қиролича Елизавета II Келли Хоппенни Британия империяси ордени билан тақдирлади.
Любовь Сафронова — Ўзбекистоннинг етакчи дизайнер ҳамда меъморларидан бири, UDAW дизайн ва архитектура ҳафталиги асосчиси. Любовь Сафронованинг Design House — дизайн ва архитектура студияси МДҲ мамлакатларида ўз фаолиятини амалга ошириб келмоқда. 2017 йили Бангкокда студия томонидан яратилган лойиҳа Asia Pacific Property Awards халқаро мукофоти лауреати бўлган.
Евгений Тюрин — россиялик маркетолог ва дизайн-продюсер, дизайнер ҳамда архитекторлар уюшмаси президенти, ҳар йили ўтказиладиган Дизайнер ва архитекторлар бизнес мукофоти асосчиси. Евгений Тюрин «Дизайнерлар учун тизимли бизнес» ўқув дастури муаллифи бўлиб, халқаро форумларда спикер ва тренер сифатида фаол иштирок этиб келади.
Рус шоу-бизнеси юлдузи, Black Star Inc. лейбли аъзоси, вокалист ва бир қатор қўшиқлар муаллифи Миша Марвин очилиш маросимининг махсус меҳмони бўлади. Унинг қўшиқлари мунтазам равишда iTunes’нинг рус сегментида энг кўп юклаб олинган тароналар қаторидан жой олади. Дизайн ва архитектура ҳафталигининг ёпилиш кунидаги тантанали кечки зиёфатда эса Россиянинг энг таниқли дижейларидан бири — DJ MEG чиқиш қилади.
UDAW иштирокчисига айланиш
Мебель, декор ва ёритиш ускуналари шоуруми – Home Interior дизайн, архитектура ва девелопмент ҳафталиги ташкилотчиси ҳисобланади. Шоурум мутахассислари замонавий шахс эҳтиёжларини синчковлик билан ўрганишади ҳамда таниқли дизайнерлардан Европа мебеллари ва интерьер буюмлари коллекциясини тўплашади. Home Interior сизга интерьерга нисбатан классик ёндашувдан узоқлашиш ва биз учун одатий бўлган қулайликларнинг замонавий кўринишларидан фойдаланиб кўришни таклиф этади.
Боғланиш учун:
+99899 801 08 01
Instagram: https://www.instagram.com/udaw2021/
Реклама ҳуқуқи асосида.
Изоҳ (0)