Самарқанд вилояти Оқдарё туманида Lada Largus ва юк машинаси иштирокида йўл-транспорт ҳодисаси содир бўлди. Бу ҳақда ЙҲХББ матбуот хизмати хабар қилди.
Кадр: Видеодан скриншот
Маълум қилинишича, хоразмлик ҳайдовчи бошқарувида бўлган Lada Largus 2021 йил 6 июль куни соат 05:00 ларда Оқдарё туманидан ўтувчи М-37 автомобиль йўлининг 27-километрида ҳайдовчиси бухоролик бўлган Mercedes русумли юк машинасининг орқа қисмига урилиб, тўқнашув содир қилган.
Оқибатда Lada Largus автомобилининг икки йўловчиси — 52 ва 25 ёшли фуқаро воқеа жойида ҳалок бўлган.
Автомашинада бўлган икки киши тан жароҳати олиб, шифохонага ётқизилган.
Бундан аввал Тошкентда собиқ «ТАПОиЧ» ёнидаги уч қаватли кўприкдан Matiz тушиб кетгани, Бўстонлиқда Lacetti дарахтга бориб урилиши оқибатида бир киши вафот этгани ҳамда Сурхондарёда қарама-қарши йўналишдаги «КамАЗ» билан тўқнашган Nexia ҳайдовчиси вафот этгани ҳақида хабар берилганди.
