Жиззах вилояти Мирзачўл туманида яшовчи эркак ўз хотинини хиёнатда айблаб, ўлдириб қўйди, дея хабар бермоқда «Замон» информацион дастури.
Маълум қилинишича, 2020 йилнинг 30 март куни судланувчи танишлари билан овқатланиш шохобчасида спиртли ичимлик истеъмол қилган. Тунги соат 22:00 да уйга кириб келган ушбу шахс турмуш ўртоғини хиёнатда гумонлаб, унинг телефонидаги қўнғироқлар тарихи ва ижтимоий тармоқдаги профилларини текширишга тушади.
Шундан сўнг эркак қасддан низо чиқариб, аёлини хиёнат қилмаганлик учун қасам ичтиради. Бунга ишонмаган шахс унинг бўйнига ошхона пичоғи билан зарба беради.
Кейин у акасига телефон қилиб, ички ишлар ходимларини чақиринг, келинингизни ўлдириб қўйдим, дейди.
Мазкур ҳолат юзасидан суд айбланувчига 14 йил озодликдан маҳрум қилиш жазосини тайинлади.
Бундан аввал Самарқандда собиқ қайнона ва келин жанжаллашиб, бир-бирини жароҳатлагани, Бухоролик ота ўз ўғлини пичоқлаб қўйгани ҳамда Тошкентда 5 ёшли ўғлини уриб ўлдирган спорт мураббийига суд ҳукми ўқилгани ҳақида хабар берилганди.
Изоҳ (0)