Сурхондарё вилояти Қизириқ туманида Nexia ва «КамАЗ» иштирокида ЙТҲ содир бўлди. Бу ҳақда «Марказий студия» информацион дастурида маълум қилинди.

Қайд этилишича, Nexia ўзидан олдинги автомобилни қувиб ўтмоқчи бўлиб, йўлнинг қарама-қарши томонига ўтганда рўпарадан келаётган «КамАЗ» билан тўқнашган.

Оқибатда Nexia’нинг 35 ёши ҳайдовчиси шифохонанинг жонлантириш бўлимида вафот этган.

ЙТҲ сабаби ўрганилганда йўлнинг ўртасига ажратувчи чизиқ чизилмагани аниқланган.

Бундан аввал Самарқандда Damas ва автобус тўқнашуви оқибатида икки йўловчи ҳалок бўлгани, Хоразмда пиёдани уриб юбормасликка ҳаракат қилган Damas ағдарилиб кетгани ҳамда Ўзбекистонда беш ой ичида содир бўлган ЙТҲлар оқибатида 770 киши ҳалок бўлгани ҳақида хабар берилмоқда.