Xorazm viloyatida yo‘ldan o‘tayotgan piyodani urib yubormaslik uchun keskin burilgan Damas ag‘darildi, deya xabar qilmoqda YHXBB matbuot xizmati.
Ma’lum qilinishicha, 2021-yilning 30-iyun kuni soat 18:00 larda Xorazm viloyati Urganch—Xiva yo‘lining 13-kilometrida haydovchi 1991-yilda tug‘ilgan D.K. Damas rusumli avtomobilni boshqarayotib, yo‘lning belgilanmagan joyidan o‘tayotgan piyodani urib yubormaslik uchun rul boshqaruvini burgan.
Keskin burilish oqibatida avtomobil ag‘darilgan.
Piyoda 1982-yil tug‘ilgan U.Q.ga birinchi tez tibbiy yordam ko‘rsatilib, uyiga ketishiga ruxsat berilgan.
Mazkur holat yuzasidan Xorazm viloyati IIB YHXB tomonidan surishtiruv harakatlari olib borilmoqda.
Bundan avval Volgogradda ichida 14 nafar O‘zbekiston fuqarosi bo‘lgan “Gazel” ag‘darilib ketgani, Jizzaxda me’yoridan ortiq yuk ortgan “ZIL” yo‘l o‘rtasidagi beton to‘siqqa urilib ag‘darilgani hamda Toshkentda Isuzu avtobusi Matiz kelib urilishi oqibatida ag‘darilgani haqida xabar berilgandi.
