Ўзбекистон марказий деҳқон бозорларидаги айрим озиқ-овқат маҳсулотларининг нархлари маълум қилинди

Давлат статистика қўмитаси 2021 йил 30 июнь куни Ўзбекистондаги деҳқон бозорларида алоҳида турдаги озиқ-овқат маҳсулотларининг нархларини ўрганиб чиқди ва ўтказилган кузатув натижалари бўйича маҳсулотларнинг минимал-максимал нархларини келтирди. Унда фақатгина деҳқон бозорлари ҳудудидаги озиқ-овқат маҳсулотлари нархлари ҳисобга олинган. Супермаркет, минимаркет, дўконлардаги нархлар инобатга олинмаган.

Суякли мол гўшти — 45 000 сўмдан 68 000 сўмгача (килограмм)

Кузатув натижасига кўра, 1 килограмм суякли мол гўштининг минимал нархи Нукус шаҳрининг «Нукус деҳқон бозори», Наманган шаҳрининг «Наманган чорсу деҳқон универсал бозори»даги арзонлаштирилган гўшт расталарида қайд этилган (45 000 сўм).

Суякли мол гўштининг максимал нархи эса Тошкент шаҳрининг «Фарҳод деҳқон бозори» ва «Миробод деҳқон бозори»да кузатилди (хусусий тадбиркорлар расталарида 68 000 сўм). Шу билан бирга, мазкур бозорларда ташкил этилган арзонлаштирилган растада мол гўшти минимал 48 000-55 000 сўм оралиғида сотилмоқда.

Қўй гўшти – 50 000 сўмдан 80 000 сўмгача (килограмм)

Қўй гўштининг минимал нархи (50 000 сўм) кузатув натижасига кўра, Нукус шаҳрининг «Нукус деҳқон бозори» ва Тошкент шаҳрининг «Фарҳод деҳқон бозори»даги арзонлаштирилган расталарда рўйхатга олинган.

Максимал нархи эса Тошкент шаҳрининг «Олой деҳқон бозори»да (хусусий тадбиркорлар расталарида 80 000 сўм) кузатилди. Шунингдек, ушбу бозорда қўй гўшти минимал 60 000 сўм оралиғида сотилмоқда.

Картошка — 1 500 сўмдан 5 000 сўмгача (килограмм)

Кузатув натижаларига кўра, Фарғона шаҳрининг «Марказий деҳқон бозори»да ташкил этилган арзонлаштирилган савдо расталарида сотилаётган картошканинг нархи минимал нарх сифатида (1 500 сўм) қайд этилган.

Шу билан бирга, Тошкент шаҳрининг «Олой деҳқон бозори»да сотувдаги сараланган картошканинг нархи максимал нарх сифатида (5 000 сўм) қайд этилди. Ушбу бозорда арзонлаштирилган растада сотилаётган картошкани минимал 3 000-3 500 сўм атрофида ҳам харид қилиш мумкин.

Пиёз — 800 сўмдан 3 500 сўмгача (килограмм)

Пиёз маҳсулотининг минимал нархи кузатув натижасига кўра, Термиз шаҳрининг «Яшил дунё марказий деҳқон озиқ-овқат бозори»да (800 сўм) рўйхатга олинди.

Максимал нарх сифатида эса Урганч шаҳрининг «Урганч марказий деҳқон бозори»да сотувда бўлган сараланган пиёзнинг нархи кузатилди (3 500 сўм). Шунингдек, мазкур бозорда пиёзни минимал 1 300 сўмга ҳам харид қилиш мумкин.

Сабзи — 4 000 сўмдан 12 000 сўмгача (килограмм)

Сабзи маҳсулотининг минимал нархи кузатув натижасига кўра, Бухоро шаҳрининг «Бухоро марказий деҳқон бозори»да (4 000 сўм) қайд этилган. Шу билан бирга, мазкур бозорда сабзини максимал 6 000-8 000 сўмдан харид қилиш мумкин.

Янгийўл шаҳрининг «Ихтисослашган Янгийўл шаҳар деҳқон бозори» ҳамда Тошкент шаҳрининг «Фарҳод деҳқон бозори»да сотувдаги тозаланган ва сараланган сабзининг нархи максимал нарх сифатида (12 000 сўм) қайд этилди. Шу билан бирга, мазкур бозорларда сабзини минимал 7 000-9 000 сўмдан харид қилиш мумкин.

Тухум — 5 000 сўмдан 14 000 сўмгача (10 дона)

Кузатув натижасига кўра, Наманган шаҳрининг «Наманган чорсу деҳқон универсал бозори» ва Тошкент шаҳрининг «Қўйлиқ деҳқон бозори»да арзонлаштирилган тухум расталаридаги майда тухумнинг нархи минимал нарх сифатида қайд этилди (5 000 сўм).

Максимал нархи эса Тошкент шаҳрининг «Эски жўва деҳқон бозори» ва «Фарҳод деҳқон бозори»да қайд этилган (йирик сараланган тухум 14 000 сўм). Шунингдек, мазкур бозорларда 10 дона майда тухумнинг минимал нархи 8 000-9 000 сўмни ташкил этган.

Гуруч — 5 000 сўмдан 18 000 сўмгача (килограмм)

Кузатув натижаларига кўра, гуруч маҳсулотининг минимал нархи Нукус шаҳрининг «Нукус деҳқон бозори», Жиззах шаҳрининг «Жиззах марказий деҳқон бозори», Термиз шаҳрининг «Яшил дунё марказий деҳқон озиқ-овқат бозори»да («Нукус-2» ва бошқа маҳаллий навли гуручлар 5 000 сўм) қайд этилган.

Максимал нарх эса, Тошкент шаҳрининг «Эски жўва деҳқон бозори»да 18 000 сўмдан кузатилди («Лазер» навли гуруч). Шу билан бирга, ушбу бозорларда гуручнинг минимал нархлари 6 000 сўмни ташкил этган.

Ўсимлик ёғи — 14 000 сўмдан 24 000 сўмгача (литр)

Кузатув натижасига кўра, ўсимлик ёғининг минимал нархи Нукус шаҳрининг «Нукус деҳқон бозори», Андижон шаҳрининг «Янги бозор деҳқон бозори», Жиззах шаҳрининг «Жиззах марказий деҳқон бозори»да (маҳаллий пахта ёғи 14 000 сўм) кузатилди. Шунингдек, мазкур бозорлардаги хусусий тадбиркорлар расталарида пахта ёғини 15 000-18 000 сўм оралиғида ҳам харид қилиш мумкин.

Максимал нархи эса Тошкент шаҳрининг «Эски жўва деҳқон бозори» ҳамда «Миробод деҳқон бозори»да (кунгабоқар ёғи 24 000 сўм) кузатилди. Шунингдек, мазкур бозорларда кунгабоқар ёғини минимал 15 500-19 500 сўм оралиғида ҳам харид қилиш мумкин.

Шакар — 7 500 сўмдан 9 000 сўмгача (килограмм)

Кузатув натижасига кўра, шакар маҳсулотининг минимал нархи Тошкент шаҳрининг «Фарҳод деҳқон бозори», «Эски жўва деҳқон бозори», «Олой деҳқон бозори» ва «Қўйлиқ деҳқон бозори»даги арзонлаштирилган расталарда (7 500 сўм) қайд этилди.

Максимал нархи эса Жиззах шаҳрининг «Жиззах марказий деҳқон бозори», Қарши шаҳрининг «Қарши деҳқон озиқ-овқат бозори», Наманган шаҳрининг «Наманган чорсу деҳқон универсал бозори», Наманган шаҳрининг «Наманган чорсу деҳқон универсал бозори», Термиз шаҳрининг «Яшил дунё марказий деҳқон озиқ-овқат бозори» ва Тошкент шаҳрининг «Фарҳод деҳқон бозори»да (9 000 сўм) кузатилди. Шунингдек, мазкур бозорларда шакарни минимал 7 500-8 500 сўм оралиғида ҳам харид қилиш мумкин.