Ўзбекистонда коронавирусга қарши энг кўп қайси вакцина қўлланилгани маълум қилинди

Коронавирусга қарши курашиш штаби аъзоси Ботир Қурбонов АОКАда ўтказилган брифингда мамлакатда ўзбек—хитой вакцинаси энг оммабоп эканини айтди.

Эмланганларнинг 77 фоизи ZF-UZ-VAC2001 вакцинасидан фойдаланган, 18 фоизи AstraZeneca (CoViShield), 5 фоизи — «Спутник V» вакцинаси билан эмланган.

Маълумот учун, бугунги кунгача Ўзбекистонда жами 3 680 361 доза вакцинадан фойдаланилди. Улардан:

• 1-босқич эмланганлар 2 158 045 нафарни,
• 2-босқичда эмланганлар 1 224 271 нафарни,
• 3-босқичда эмланганлар 298 045 нафарни ташкил қилмоқда.

Жами эмлашлар бўйича юқори кўрсаткичлар қуйидаги ҳудудларда кузатилган:

• Наманган вилоятида — 442 315 доза;
• Фарғона вилоятида — 423 601 доза;
• Андижон вилоятида — 408 816 доза.

Маълумот учун, Ўзбекистоннинг вакцина захираси 7,4 миллион дозага етган. Мамлакатда июнь ойи охиригача 4 миллион кишини коронавирусга қарши эмлаш режалаштирилганди. Ўзбекистонда коронавирусга қарши эмланувчилар гуруҳи яна кенгайди. Энди 50 ёш ва ундан катталар бепул вакцина олиши мумкин. Тошкентда 28 июндан 18 ёшдан катта бўлган барча қатламни коронавирус инфекциясига қарши давлат бюджети маблағлари ҳисобидан ихтиёрий тарзда оммавий эмланаш бошланди.