Наманган вилоятининг Поп туманида 38 ёшли эркак Nexia уриб юбориши оқибатида вафот этди, деб хабар бермоқда вилоят ИИБ матбуот хизмати
Воқеа 26 июнь куни соат 08:30 ларда Пунгон—Ғурумсарой—Поп йўлининг 24 километрида юз берган. 75 ёшли ҳайдовчи Nexia’ни бошқариб бораётиб, ҳаракат хавфсизлигини таъминлай олмай, йўлини кесиб ўтаётган пиёдани уриб юборган. Оқибатда пиёда олган тан жароҳати оқибатида шифохонада вафот этган.
Ҳолат бўйича Поп туман ИИБ ҳузуридаги Тергов бўлинмаси томонидан 26 июнь куни Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлишига сабаб бўлиши) билан жиноят иши қўзғатилган.
Аввалроқ Қашқадарёда Nexia-3 уриб юбориши оқибатида велосипед минган бобо ва набира вафот этгани, Термизда пиёдани уриб юбориб, воқеа жойидан қочиб кетган Cobalt ҳайдовчиси унинг ўлимига сабабчи бўлгани, Тошкентда йўлни белгиланмаган жойдан кесиб ўтмоқчи бўлган пиёда Lacetti уриб юбориши оқибатида ҳалок бўлгани ҳақида хабар берилган эди.
Изоҳ (0)