28 июнь куни Тошкентнинг Алишер Навоий номидаги Давлат академик Катта театри олд майдонида ҳар йили анъанавий тарзда ўтказиб келинаётган «Таҳсин» миллий мукофоти ғолибларини тақдирлаш маросими бўлиб ўтди.
Ўзбекистон Республикаси Ёшлар ишлари агентлиги томонидан таъсис этилган мукофотни топшириш маросимида вазирлик, идора ва ташкилотлар томонидан 28 та номинация бўйича 500 нафардан ортиқ номзодлар тавсия этилган. Улар ичидан Ўзбекистон тараққиёти йўлида кўрсатган хизматлари, фаолликлари ва муносиб меҳнатлари билан намуна бўлган ғолиблар саралаб олинди ва уларга «Таҳсин» мукофоти топширилди.
Мукофотланганлар қаторида «Дарё» интернет нашри мухбирлари Миролим Исажонов ва Мусулмонбек Иброҳимов ҳам бор. 2019 йилда ушбу мукофотни «Дарё» фотомухбири Мадина Нурман қўлга киритганди.
Эслатиб ўтамиз, Президентнинг «Матбуот ва оммавий ахборот воситалари ходимлари куни муносабати билан соҳа ходимларидан бир гуруҳини мукофотлаш тўғрисида»ги фармони билан Миролим Исажонов «Келажак бунёдкори» медали билан ҳам мукофотланганди.
«Дарё» мухбири Хонзодабегим Аъзамова эса «Йилнинг энг фаол журналисти» сифатида эътироф этилганлар сафидан ўрин олди.
Изоҳ (0)