Кир ювиш машинасидан ёмон ҳид анқиши ва барабан резинкасининг қорайиши унда бактериялар тўпланиб моғор пайдо бўлиши мумкинлигини билдиради.

Умумий (фронтал) «загрузка»

Кир ювиш машинангизнинг «тоза барабан» функцияси бўлса, жуда яхши, йўқ бўлса, кукун соладиган бўлмага хлорли оқартирувчи воситадан бир стакан солинг ва машинани ишга туширинг. Кейин барабанни қуруқ қилиб артинг. Диспенсер қутисини олинг ва уни илиқ сувда чайинг. Юмшоқ губка билан кир ювиш кукунидан қолган қолдиқларни тозаланг.

Вертикал «загрузка»

Оддий ювиш цикли, энг иссиқ сув ҳарорати ҳамда қўшимча чайишни танланг. Бир стакан хлорли оқартирувчи воситани диспенсер ичига солинг. Кир ювиш кукунидан фойдаланишга ҳожат йўқ. Тўлиқ циклга қўйинг ва бактериялар ўлиши учун қуритиш режимидан ҳам фойдаланинг. Кейин юқоридаги сингари яхшилаб артиб, қуритинг.

Қуйидагиларга ҳам амал қилиш тавсия қилинади:

• Кирларни ювиб бўлгандан кейин кир ювадиган машина эшигини камида бир соатга очиқ қолдиринг.
• Кир сочиқни кир машина ичига солишдан аввал у билан барабан резинкаси ва кир ювиш кукунидан қолган қолдиқларни артиб ташланг.