Жазирама эканлигига қарамай, қулай ва тиниқиб ухлашга ёрдам берадиган тавсияларни эътиборингизга ҳавола қиламиз.
Дарпардаларни намланг
Хонадаги ҳаво бир зумда янгиланиши учун дарпардаларни сув пуркагич билан намланг. Ҳаво ҳарорати бир неча даражага пасайганига гувоҳ бўласиз.
Техникаларни ўчириб қўйинг
Ҳеч бўлмаганда уйқудан аввал электрон техникаларни ўчириб қўйинг. Алоҳида қизигани билинмагани билан ҳаммасидан чиққан иссиқлик йиғилиб хонани исишига ҳисса қўшиши мумкин.
Пахта матосидан тикилган либос кийинг
Юмшоқ, ҳаво ўтказадиган ва пахта матосидан тикилган кийимларни кийинг. Терингиз нафас олади ва бошқа кийимлардагидек қизиб кетмайсиз.
Ортиқча суюқлик
Қанчалик иссиқ бўлмасин, ётишдан аввал ортиқча суюқлик ичманг. Кечаси ухлашга қийналасиз, яхшиси ёнингизга стаканда муздек сув қуйиб қўйинг.
Лайфхакдан фойдаланинг
Янги пайпоқ ичини гуруч билан тўлдириб 2 соатга музлаткичга қўйиб қўйинг. Қизиб кетганда тетиклашиш ва ўзингизга келиш учун уни тизза, чакка, тўпиқ ва билак соҳасига қўйинг.
Ерга жой солиб ётинг
Иссиқ ҳаво хонанинг тепага кўтарилади, совуғи эса пастда бўлади. Айнан шу сабаб ҳам полга жой солиб ётиш тавсия қилинади.
Билакларни намлаб туринг
Иссиқ вақтда бир неча дақиқа давомида билакларни намлаб туриш керак бўлади.
Чойшаблар
Уйқудан аввал чойшабларни бир неча дақиқага музлаткичга қўйинг.
Ҳароратни пасайтиринг
Кондиционер бўлмаса, вентилятордан фойдаланинг. Унинг олдига муз солинган пластик идиш қўйиб қўйинг ва 15-20 дақиқа кутинг.
Изоҳ (0)