Бугун,

  • USD 11095.31
  • RUB 173.84
  • EUR 10772.44

Агар Хитой коронавирус келиб чиқишининг сабабларини текширишга имкон бермаса, яккалаб қўйилади. Бу ҳақда АҚШ миллий хавфсизлик бўйича маслаҳатчиси Жейк Салливан Fox News телеканалига берган интервьюсида айтиб ўтди.

Жейк Салливан

Жейк Салливан
Фото: Global Look Press

Унинг таъкидлашича, АҚШ президенти Жо Байден, аввалги президент Дональд Трампдан фарқли ўлароқ, «демократик дунёни бирлаштира олган» ва G7 давлатларини бир овоздан Хитойда COVID-19’нинг келиб чиқиши бўйича янги текширув ўтказиш зарурлиги ҳақида гапиришга ундаган.

«Президент Трамп буни уддалай олмаганди. Президент Байденнинг эса қўлидан келди», — деди Салливан.

«Дунё халқларини бирлаштириш» ва ХХРга сиёсий ва дипломатик босим ўтказиш — бу амалга оширилаётган саъй-ҳаракатларнинг асосий қисмидир, уларнинг мақсади «Хитой олдига мураккаб танлов қўйишдир»: ёки Пекин инфекция сабабларини «обдон текширишга» рухсат беради ёки ХХР «халқаро изоляцияга дуч келади».

G7 саммитидан сўнг Пекин ўз баёнотида  G7 давлатлари Хитойга босим ўтказишга уриниб, «халқаро ҳуқуқнинг асосий тамойилларини жиддий равишда бузаётганини» айтганди. Хитой томонининг фикрига кўра, COVID-19 пандемияси сабабларини ўрганиш сиёсийлаштирилмаслиги керак. Жаҳон соғлиқни сақлаш ташкилоти (ЖССТ) мутахассислари вируснинг манбасини аниқлаш учун аллақачон иш олиб бормоқда, деди ХХР.

G7 саммитидан сўнг ЖССТ раҳбари Тедрос Гебрейесус COVID-19 келиб чиқиши бўйича текширувнинг иккинчи босқичига тайёргарлик кўрилаётганини маълум қилди. Гебрейесус бунинг учун Хитойдан ошкоралик ва ҳамкорлик талаб этилишини айтди.

Эслатиб ўтамиз, ЖССТнинг халқаро мутахассислар жамоаси Хитойнинг Ухань шаҳрида тўрт ҳафта мобайнида коронавируснинг пайдо бўлиш сабабларини ўрганган эди. Мутахассислар текширув давомида Хитой ҳукумати COVID-19’га чалиниш бўйича илк ҳолатлар ҳақидаги маълумотларни беришдан бош тортгани ҳақида хабар қилди.

Май ва июнь ойларида эса Америка оммавий ахборот воситаларида коронавирус Ухань шаҳридаги лабораторияда яратилганидан далолат берувчи белгилар ҳақида материаллар пайдо бўла бошлади. Шунингдек, британиялик ва норвегиялик олимлар COVID-19 одамлар томонидан яратилганига оид далиллар борлигини айтган.

Изоҳ
Asosiy yangiliklar
Маҳаллий
Тошкентда зўравонликка қарши кураш бўйича халқаро анжуман — суратларда
Дунё
Трампнинг собиқ маслаҳатчиси президент сайловида қатнашишга тайёрлигини билдирди
Маданият
«Кунига 1 000 доллар топганда талаш бўлган ота кексайганда ҳеч кимга керак бўлмай қолди» — Бобомурод Ҳамдамовнинг келини оиладаги келишмовчиликлар ҳақида (видео)