Коронавируснинг биринчи марта Ҳиндистонда аниқланган дельта варианти бутун дунёда устунликка эришмоқда. Бу ҳақда Жаҳон соғлиқни сақлаш ташкилоти (ЖССТ) бош илмий ходими Сумия Сваминатан маълум қилди, деб ёзади «Коммерсантъ».
«Ушбу вариант одамдан одамга осонроқ юқиши туфайли бутун дунёда устунликка эга бўлмоқда», — деди у.
Дельта-вариант Буюк Британияда ҳукмронлик қилувчи «британча» штамм (альфа-вариант)дан кейин бутун дунёга тарқалишни бошлаган «ҳиндча» штаммдир. Вируснинг ушбу тури дунёнинг 80 дан ортиқ давлатида аниқланиб, тарқалиб боргани сари кўпроқ мутацияга учрамоқда.
ЖССТ маълумотларига кўра, коронавируснинг дельта варианти альфа-штаммдан 60 фоизга фаолроқ бўлиб чиққан. У, шунингдек, оғирроқ симптомлар чақиради, аммо бу хулосалар тасдиқланиши учун қўшимча тадқиқотлар ўтказилиши керак.
Таъкидлаш жоиз, Москва мэри Сергей Собянин сўзларига кўра, COVID-19’га чалинган москваликларнинг 89,3 фоизида коронавируснинг делта штамми аниқланган. Собянин Москвада касалланиш ҳолатларининг ўта тезкорлик билан кўпайишини айнан «ҳиндча» штамм билан боғлади.
Мавзуга доир:
- Pfizer ва AstraZeneca вакциналари коронавируснинг «ҳиндча» штаммига қарши самарали бўлиб чиқди
- Ҳиндистон ижтимоий тармоқлардан коронавируснинг «ҳиндча» штамми ҳақидаги постларни ўчириб ташлашни сўради
- Ниқоб тақмаган Бразилия президенти жаримага тортилди, Британияда локдаунни юмшатиш бир ойга кечиктирилди, «ҳиндча» штаммнинг белгилари қандай? Коронахабарлар
- COVID-19 Альцгеймер касаллигига олиб келиши мумкин, баъзи мамлакатларда ниқоб режими бекор қилинмоқда, Европада «ҳиндча» штамм тарқалиб кетиши мумкин. Коронахабарлар
Изоҳ (0)