Бугун,

  • USD 11095.31
  • RUB 173.84
  • EUR 10772.44

Hyundai Motor компанияси ҳаво транспортини яратиш борасидаги ишларини тезлаштиришга қарор қилди. Hyundai’нинг глобал операцион ижро директори Хосе Мунёснинг маълум қилишича, Жанубий Корея маркасининг биринчи учар таксиларидан 2025 йилга бориб АҚШнинг йирик аэропортларида фойдаланиш мумкин бўлади. Motor нашрининг ёзишича, аввалроқ компания бу борадаги санани 2028 йил деб эълон қилган.

Фото: Hyundai

Фото: Hyundai

Мунёснинг таъкидлашича, компания энди пайдо бўлаётган ҳаво транспорти бозорини ўсишнинг ажойиб имконияти сифатида кўриб чиқмоқда. У технологиялар мазкур йўналишда ривожланишига «мутлақо ишончи комиллигини» қўшимча қилган.

Келажакдаги автопарк таркибидан учар йўловчи автомобилларидан ташқари, тижорий юкларни ташишда ҳам фойдаланиш мумкин бўлган транспорт воситалари ўрин олади. Вақт ўтиши билан Hyundai мегаполислар йўлларини енгиллаштириш имконини берадиган ҳаво транспорти билан боғлиқ бутун бошли хизмат кўрсатиш соҳасини йўлга қўйиш ниятида.

«Гап келажак технологиялари ҳақида кетар экан, ҳеч қачон жуда эрта бўлмайди. Биринчи бошлаганлар ғолиб бўлади», — дейди топ-менежер.

Hyundai учар автомобилларни яратиш билан шуғулланадиган бўлинмасини 2019 йилда ишга туширган ва унга олти йил давомида 1,5 миллиард доллар инвестиция киритишни режалаштирган. Бўлинмаган 30 йил давомида NASA’да ишлаган Чин Чжевон бошчилик қилмоқда.

Фото: Hyundai

Фото: Hyundai

Ҳозирда компания беш-олти нафар йўловчи сиғадиган аэротакси устида иш олиб бормоқда: улар инсонларни қатнов кўп бўлган шаҳар марказларидан аэропортларга, ер ва ҳаво транспортига боғлиқ марказлар том қисмига элтиб қўйиши мумкин.

Учар машиналарни яратишда Hyundai Американинг Uber сервиси билан ҳамкорлик олиб бормоқда. Январь бошида компания беш ўринли, саккизта роторга эга S-А1 аэротаксисини тақдим этганди: уларнинг тўрттаси манёврчанлик учун, яна тўрттаси — вертикал учиш-қўнишга жавоб беради. Аппаратнинг максимал тезлиги соатига 290 километрга етади, парвоз баландлиги эса 300-600 метр оралиғида.

Учар автомобиллар устида Hyundai’дан ташқари бошқа йирик автомобиль ишлаб чиқарувчилар, хусусан, General Motors, Daimler, Gelly ва Toyota ҳам иш олиб бормоқда.

Аввалроқ Москвада бир марта қувватланиш орқали 100 км йўл боса оладиган ҳаво таксиси синовдан ўтказилаётгани тўғрисида хабар берилганди.

Изоҳ
Asosiy yangiliklar
Маслаҳатлар
Қишда касал бўлмасликнинг синалган 5 та усули
Маҳаллий
«Ўзбекистон миллий электр тармоқлари» бошқаруви раиси ва яна 3 масъулга ҳайфсан берилди
Дунё
«Россия баҳорда янги ҳужум бошлаш учун Украинадаги урушни музлатмоқчи» — Столтенберг