АҚШда маникюр қилишга қодир дунёдаги биринчи робот пайдо бўлди (видео)

Сан-Франcискода маникюр қилишга қодир робот пайдо бўлди, деб хабар беради «Korrespondent.net».

Роботни яратиш устида иш олиб борган Clockwork компаниясининг маълум қилишича, қурилма тирноқларни ўн дақиқа ичида бўяшга қодир. Хизмат нархи — саккиз доллар.

Айни вақтда ушбу робот тирноқларни калталамайди ва уларга шакл бермайди, бироқ мазкур функциялар ҳам тез орада пайдо бўлиши мумкин.

https://www.instagram.com/p/CNibRKRnKDo/

Clockwork’дагиларнинг қайд этишича, улар одамларни «кундалик чалкаш вазифалардан озод этадиган» машиналарни яратмоқда.

Аввалроқ Австралияда олма теришга қодир робот, Испанияда эса паэля тайёрлашга қодир дунёдаги биринчи робот-қўл яратилгани тўғрисида хабар берилганди.