Евро—2020 баҳслари давом этади. Куннинг энг муҳим ўйини Россия ва Бельгия терма жамоалари ўртасида бўлиб ўтади. Ундан ташқари 12 июнь куни Уэльс Швейцарияга, Дания эса Финляндияга қарши баҳс олиб боради.
Евро—2020
1-тур баҳси
12 июнь, шанба
Россия, Санкт-Петербург, «Санкт-Петербург» стадиони
Бельгия – Россия 00:00
Бельгия
Ижодкор жамоа Эден Азар ва Кевин де Брюйнесиз майдонга тушадиХабарларга кўра, Эден бу учрашувда асосий таркибда майдонга тушмайди. Кевин де Брюйне жамоа билан бирга Санкт-Петербургга учмади. Чемпионлар Лигаси финалида олган жароҳати туфайли Евронинг биринчи ўйинини ўтказиб юборади. Данияга қарши иккинчи турда жамоасига ёрдам бериши мумкин.
«Реал» футболчиси қора ишларни бажаришни ёқтирмаслиги сир эмас. Азар «Челси»да ўйнаб юрган вақтларида ҳам буни яширмаган. Антонио Конте ярим ҳимояда қатъийликни йўқотмаслик учун Азарни иккинчи ҳужумчи позициясида ўйнатарди. Ҳозирги формасида Эден прессингда умуман фойдали бўлмасди. Жамоа Эден Азарсиз прессингда яхшироқ ўйнайди. Унинг ўрнини «Атлетико»да ажойиб мавсумини ўтказган Янник Феррейра Карраско эгаллайди.
Тилеманснинг узоқдан берадиган зарбалари Шунин учун қийинчилик туғдиради
Россия дарвозабони Антон Шунин тўғридан-тўғри зарбалар ва жарима зарбаларни қайтариш бўйича жуда ёмон натижаларни қайд этади. Узоқдан бериладиган зарбалар унинг ожиз нуқтаси. Бельгия таркибида эса узоқдан зарба берадиган футболчи бор — Юри Тилеманс. «Лестер» футболчиси ортда қолган мавсумда Англия Кубоги финалида узоқдан зарба бериб, «Челси»га гол урганди. Россия посбони нафақат Лукаку, балки Тилемансдан ҳам эҳтиёт бўлиши керак.
Россия
Карраско майдонда бўлса Баринов ўз ўйинини намойиш эта олмаслиги мумкинДмитрий Баринов Россия терма жамоасининг ўнг қанот ҳимоясида майдонга тушади. У қанотдан ҳужумларга фаол қўшилади. Агарда Янник Феррейро майдонга тушса, Дмитрий ўзини ноқулай ҳис қилиши мумкин. Прессингда жуда яхши ҳаракат қиладиган Карраско Бариновнинг эркин ҳаракат қилишига имкон бермайди.
Бельгия билан ўйинга Ионов зарур
Бельгиянинг Миллатлар лигаси доирасида Англияга қарши ўйинида инглизларнинг муваффақиятида Маркус Рэшфорд асосий ролни бажарди. Россияда эса худди шундай ҳужумчи йўқ. Ярим ҳимоячи Алексей Ионов «Краснодар» таркибида шундай ролни бажарган. Айнан у Россиянинг «Рэшфорди» бўлиши мумкин.Мураббийлар фикрлари
Биринчи ўйин доим қийин бўлади. Охирги бир неча кун давомида жуда яхши тайёргарлик кўрдик, жамоамиз ўйинга тайёр. Жамоада ажойиб муҳит ҳукмронлик қиляпти. Бу ўйин биз учун синов бўлади. Россия терма жамоасини яхши биламиз. Уларнинг мухлислари ҳам бизга қарши бўлади. Иложи борича имкониятлардан фойдаланишимиз лозим.Охирги 3 йилда Бельгия жуда яхши ўйин кўрсатяпти. Терма жамоалар рейтинги биз учун қизиқ эмас. Ҳаяжондаман ва шу билан бирга мусобақа бошланганидан хурсандман. Ҳар бир футболчининг имкониятларидан максимум фойдаланишимиз керак.
Роберто Мартинес, Бельгия терма жамоаси бош мураббийи
Бельгия жуда яхши жамоа. Машғулотларда уларнинг ожиз нуқталарини ўрганишга ҳам диққат қаратяпмиз. Лекин биринчи ўринда ўзимизга эътибор қаратишимиз керак. Рақиб бошқа, биз бошқамиз. Бу Евронинг бошланиши эканлигини унутмаслик лозим. Ҳар нарсага тайёр туриш керак.Жамоаларнинг охирги (ўзаро эмас) 5 ўйиндаги натижалари:Станислав Черчесов, Россия терма жамоаси бош мураббийи
Мавзуга доир: Юлдузларга тўла Бельгия, Россия яна «қизил иблислар»га қарши, дебютант финлар ва «алвон гвардия». Евро—2020 B гуруҳи ҳақида
«Голфчи» тўп сурадиган Уэльс «банкир» Швейцарияга қарши
Евро—2020
1-тур баҳси
12 июнь, шанба
Озарбайжон, Баку. «Олимпия стадиони»
Уэльс – Швейцария 18:00
Уэльс терма жамоаси Евро—2016 да дебют қилган эди. Дастлабки мусобақасидаёқ ярим финалгача етиб борган эди. Евро—2020 да ҳам аввалги натижани такрорлай олармикан? Бу йўлда уларнинг дастлабки рақиби Швейцария бўлади. «Банкирлар» камтарона таркибга эга бўлсада мусобақаларда доим етакчиларга муаммо туғдириши билан ёдда қолган. Петкович жамоаси ушбу мусобақага ҳам ўз сюрпризлари билан ташриф буюрган.
Жамоаларнинг охирги 5 ўйиндаги натижалари:
Мавзуга доир: Уч йилдан буён ютқазмаётган Италия, эски мавқейига қайтаётган Туркия, «аждарлар» ва «банкирлар». Евро—2020 А гуруҳи ҳақида
«Алвон гвардия» мусобақа дебютантига қарши
Евро—2020
1-тур баҳси
12 июнь, шанба
Дания, Копенгаген. «Паркен»
Дания – Финляндия 21:00
Дания терма жамоаси саралаш босқичида умуман мағлубиятга учрамади. 8 та ўйиннинг 4 тасида қайд этилган дуранг натижалар жадвални 2-ўрин билан якунлашига сабаб бўлди. Евро—2020 мусобақасида B гуруҳидан ўрин олган данияликлар илк турда Евро—2020 да дебютини ўтказаётган финляндияликларга қарши майдонга тушади. Финляндиянинг Евродаги иштироки кўпчилик учун кутилмаган бўлди. «Филинлар» саралаш босқичида Греция, Босния ва Герцеговина, Арманистон каби терма жамоаларни ортда қолдирган. Демак, улар бу мусобақада шунчаки иштирок этиш ниятида эмас.
Жамоаларнинг охирги 5 ўйинда қайд этган натижалари:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)