Меҳмонлар хонадон эгаларидан нега айнан Samsung совуткичини танлаганликларини сўрашса, буни узоқ тушунтириб ўтиришга ҳожат қолмайди. Ахир бу фақатгина рўзғордаги дастёр эмас, қўшиқнинг ўзгинаси!
Ошхонангиздаги «қомати келишган» бу совуткич оилангизга маъқул келиши, дўстларингизнинг эса ҳавасини келтириши аниқ. У бугуноқ уйингизга кўчиб ўтишга тайёр — Samsung компанияси астойдил ҳаракатда. Ишонаверинг, Samsung совуткичи бутун оилангизнинг севимли эркатойига айланади. Янги совуткичдан илҳомланиб кетганлар учун, марҳамат, қўшиқ тайёр!
Музлаб қолмайди!
NoFrost технологияси билан эски моделдаги совуткичларни эритганда асқатадиган тоғоралар энди керак бўлмайди. Айланиб турадиган совуқ ҳаво камераларда бир текисда тарқалади. Шунинг учун ҳарорат паст-баландга ўйнамайди ва муз пайдо бўлмайди.
Токни «емайди»!
Совутишни етти босқичининг ҳаммасида Digital Inverter технологияси компрессор тезлигини автоматик равишда бошқаради. Совуткич электр энергиясини камроқ истеъмол қилади. Анча пулингиз тежалади. Компрессор ниҳоятда аниқлик билан ишлайди, оила эса электр энергиясини тежайди.
Ачиб қолмайди
Пайшанба – паловхонтўрадан мазза қиладиган кун. Демак, қўй гўштидан олиб қўярканмизда?! Бемалол. Энди музқаймоқ ё сариёғга гўшт ҳиди уриб қолмайди. Қўй гўштими, балиқ гўшти ва денгиз маҳсулотларими – фарқи йўқ! Совуткич ичидаги ҳаво айнишидан қўрқмай сотиб олаверинг. Twin Cooling Plus тизими камераларни алоҳида совутиш учун жавоб беради. Музлатилган маҳсулотлар ўз ҳидини ўнгга, чапга улашмай, ўзида сақлаб қолади.
Хушбўй кўкатлар, иштаҳани қитиқлайдиган мевалар, ҳозиргина қассоб акадан олиб келинганга ўхшайдиган гўшт ва балиқ – бари таъмини ҳам, ҳидини ҳам ўзида сақлаб, уларни фақат нонушта, тушлик ва кечки овқат маҳали сиз билан бўлишади. Баъзан эса янги Samsung совуткичининг фазилатлари ҳақидаги қўшиқни тинглаётган меҳмонларингиз ҳам улардан завқланиши мумкин.
Тинчликни сақлайди!
Огоҳлантириб қўяйлик, бошланишида совуткич билан қийналасиз. Эски ва тақир-туқури тинмаган аравадан кейин ҳар замонда бир югуриб келиб, янги совуткични текшириб кетишга тўғри келади. Тунда совуткичнинг эшигига қулоғини тутиб турган турмуш ўртоғингизни кўрсангиз, ақлли, инверторли Samsung совуткичлари компрессорнинг тезлигини автоматик равишда бошқаришини тушунтириб қўйинг. Бу унинг шовқинсиз ишлаши ва тез эскирмаслигини билдиради.
«Қомати даҳшат»
Кийимга қараб кутиб олишади: ишлаб чиқарувчи янги совуткичнинг замонавий дизайни устида яхшигина бош қотирган. Кумуш ранг корпуси оппоқ токчалар билан уйғунлик касб этади. Онангиз билан қайнонангиз совуткичнинг кўринишидан ҳайратланиб, қичқириб юборса, телевизорнинг товушини баландроқ қилинг. Акс ҳолда қизиқувчан қўшниларингиз югуриб келишади.
Ҳажми катта!
Сиғими катта совуткич – бутун оиланинг қувончи. Samsung совуткичи атайлаб ғамлаб қўйишни ёқтирадиган уй бекалари ёки ҳақиқий уйим, жойим дейдиганлар учун ишлаб чиқарилган. Оилавий ошхўрлик учун қўзичоқ гўшти, турли-туман сабзавотлар, яна хўшбўй қовун ва сархил тарвуз – бари токчаларга бемалол сиғади. Музлатиш ва совутиш учун алоҳида Power Sool/Power Freeze зоналари кўзда тутилган. Фақат бўлинмаларни адаштириб юборманг, йўқса меҳмонларнинг олдига яхлаб қолган меваларни қўйишга тўғри келади.
Совуткичга форзандингизнинг туғилган куни учун бир неча қаватли торт ёки ичига мол тили солинган катта банка ҳам сиғади. Қайнонангиз катта куркани бериб юбордими? Уни дам олиш кунигача сақлаб бўлармикан? Муаммосиз! Музлаткич камераси совутгич камерасига осонгина айланиши мумкин ва йилнинг исталган пайтида маҳсулотларингизни айнитмай сақлайди. Ташқарида +40, курка эса +5 даражада мазза қилиб дам олиш кунларини «кутяпти». Кўпчилик ҳозир куркага ҳавас қиляпти!
Нархи «чақмайди»!
Бундай имкониятлари бўлган совуткич орзуга айланади, деб адашманг. Бу модель Ўзбекистоннинг барча шаҳарларида сотувда бор. Бўлиб тўлаш шарти билан харид қилсангиз, тез орада ота-онангизни ҳам янги совуткич билан хурсанд қилишингиз мумкин – уларга «сарвқомат, хушбичим дастёр» маъқул бўлиши аниқ.
Эпчил ишлайди!
Суперқаҳрамонлар комиксларга асосланган фильмларда яшамайди. Жазирама иссиқда меҳмонларингизни муздеккина ичимлик билан сийлаб, ўзингизни ҳақиқий Айсмен деб ҳис қилишингиз мумкин. PowerFreeze функцияси ҳам маҳсулотларни музлатади, ҳам муз бўлакчаларини тайёрлайди, ҳам ичимликни тезгина совутиб беради. Меҳмонларингиз муздеккина лимонадга тез-тез қараб қўйса, бунинг ҳайратланадиган ери йўқ.
Facebook: fb.com/SamsungUzbekistan
Instagram: SamsungUzbekistan
Telegram: t.me/SamsungUzbekistan
Сайт: samsung.uz
Реклама ҳуқуқи асосида.
Изоҳ (0)