Голливуд юлдузи Жонни Депп бугун 9 июнь куни 58 ёшни қаршилади. Шу муносабат билан унинг ҳаётида рол ўйнаган қайлиқлари ҳақида маълумот бериб ўтамиз.
Лори Энн Эллисон
Карьерасини энди бошлаган вақти Жонни Голливудда ўз ўрнини топишга қийналган, кўп бора рад жавобини олган. Ҳаммаси пардозчи бўлиб ишлайдиган Лорини учратганидан кейин ўзгарган. Қиз Деппни Николас Кейжнинг агенти билан таништирган ва ана шундан кейин унинг карьера борасида омади чопган. Жонни биринчи севгиси бўлган Лорига турмуш қуришни таклиф қилган, аммо жуфтликнинг биргаликдаги ҳаёти икки йилдан узоққа бормаган.
Вайнона Райдер
Танишган вақтлари Вайнона 17, актёр эса 27 ёшда бўлган. Улар илк танишувдаёқ бир-бирига кўнгил қўйган. Бироз вақтдан кейин Депп танасига қизнинг исмини татуировка қилиб туширган. Вайнона ҳам актёрнинг карьераси ривожланишига ҳисса қўшган, уни режиссёр Тим Бертон билан таништирган. Кўп ўтмасдан қиз ўз йўлидан кетган, Депп эса татуировкасини ўчириб ташлаган.
Кейт Мосс
1994 йилда танишган жуфтлик дарҳол сариқ матбуотларда мавзуга айланган. Наркотик ва тақиқланган моддаларга илакишиб қолган севишганларнинг муносабати бошлангани сингари тўсатдан якунига етган.
Ванесса Паради
Актёр француз актрисаси билан 14 йил давомида учрашиб юрганига қарамай, муносабатлари тўйгача етиб бормаган. Аммо Жон икки марта ота бўлишга муваффақ бўлган. Жек ва Лили Роуз исмли фарзандлар дунёга келган. «Ванесса — ажойиб инсон. У ҳеч қачон ўзиникини ўтказишга ҳаракат қилмайди, бошқалар билан эса бундай бўлмаган», — деган у. Актёрнинг оғир феъл-атворини кўтаргани билан Жонни Эмбер Хёрд учратганидан кейин ҳаммаси тугаган.
Эмбер Хёрд
Жонни юқорида таъкидланганидек айнан Хёрд сабаб оиласи ва фарзандларини тарк этган. Суратга олиш майдончаларида бошланган муносабатлар турмуш қуришга сабаб бўлган. Тез бошланган аланга шунча тез ўчган. Бир йилдан сал кўп вақтдан кейин муносабатларга уруш-жанжал билан нуқта қўйилган. Эмбер турмуш ўртоғини зўравонликда айблаган ва улар ўртасидаги судлашишлар ҳалигача давом этади.
Изоҳ (0)