Gollivud yulduzi Jonni Depp bugun 9-iyun kuni 58 yoshni qarshiladi. Shu munosabat bilan uning hayotida rol o‘ynagan qayliqlari haqida ma’lumot berib o‘tamiz.
Lori Enn Ellison
Karyerasini endi boshlagan vaqti Jonni Gollivudda o‘z o‘rnini topishga qiynalgan, ko‘p bora rad javobini olgan. Hammasi pardozchi bo‘lib ishlaydigan Lorini uchratganidan keyin o‘zgargan. Qiz Deppni Nikolas Keyjning agenti bilan tanishtirgan va ana shundan keyin uning karyera borasida omadi chopgan. Jonni birinchi sevgisi bo‘lgan Loriga turmush qurishni taklif qilgan, ammo juftlikning birgalikdagi hayoti ikki yildan uzoqqa bormagan.
Vaynona Rayder
Tanishgan vaqtlari Vaynona 17, aktyor esa 27 yoshda bo‘lgan. Ular ilk tanishuvdayoq bir-biriga ko‘ngil qo‘ygan. Biroz vaqtdan keyin Depp tanasiga qizning ismini tatuirovka qilib tushirgan. Vaynona ham aktyorning karyerasi rivojlanishiga hissa qo‘shgan, uni rejissor Tim Berton bilan tanishtirgan. Ko‘p o‘tmasdan qiz o‘z yo‘lidan ketgan, Depp esa tatuirovkasini o‘chirib tashlagan.
Keyt Moss
1994-yilda tanishgan juftlik darhol sariq matbuotlarda mavzuga aylangan. Narkotik va taqiqlangan moddalarga ilakishib qolgan sevishganlarning munosabati boshlangani singari to‘satdan yakuniga yetgan.
Vanessa Paradi
Aktyor fransuz aktrisasi bilan 14 yil davomida uchrashib yurganiga qaramay, munosabatlari to‘ygacha yetib bormagan. Ammo Jon ikki marta ota bo‘lishga muvaffaq bo‘lgan. Jek va Lili Rouz ismli farzandlar dunyoga kelgan. “Vanessa — ajoyib inson. U hech qachon o‘zinikini o‘tkazishga harakat qilmaydi, boshqalar bilan esa bunday bo‘lmagan”, — degan u. Aktyorning og‘ir fe’l-atvorini ko‘targani bilan Jonni Ember Xyord uchratganidan keyin hammasi tugagan.
Ember Xyord
Jonni yuqorida ta’kidlanganidek aynan Xyord sabab oilasi va farzandlarini tark etgan. Suratga olish maydonchalarida boshlangan munosabatlar turmush qurishga sabab bo‘lgan. Tez boshlangan alanga shuncha tez o‘chgan. Bir yildan sal ko‘p vaqtdan keyin munosabatlarga urush-janjal bilan nuqta qo‘yilgan. Ember turmush o‘rtog‘ini zo‘ravonlikda ayblagan va ular o‘rtasidagi sudlashishlar haligacha davom etadi.
Mavzuga doir:
Izoh (0)