Британияни тарк этганидан кейин Канадада яшай бошлаган шаҳзода Гарри, Меган Маркл ва уларнинг ўғли Арчи коронавирус эпидемияси бошланганидан кейин АҚШга кўчиб ўтган ҳамда 15 миллион долларга Калифорниядан турар жой сотиб олган. Netflix ва Spotify билан шартнома имзолагани эса молиявий мустақилликка эришишига ҳисса қўшган.
Фото: «Домашний очаг»
Мақомдан воз кечиш
Гарри ва Меган Арчи дунёга келишидан аввалроқ ўғлини оддий боладек катта қилишни исташини билдирган ва айнан шу сабаб ҳам болага туғилганидан кейин берилиши керак бўлган графлик мақомидан бош тортган. Нима учундир Арчига қарашга ёлланган энагаларнинг ҳеч бири узоқ ишламаган. Биринчиси иккинчи кечанинг ўзидаёқ ҳайдалган. Бунга энага ўз вазифасининг уддасидан чиқмагани, боланинг йиғисига эътибор қилмагани сабаб бўлган деб тахмин қилинади. Биринчисидан узоқроқ ишлашга муваффақ бўлган энага ҳам Меган ва Гаррининг норозилигига сабаб бўладиган ишлар қилган. Учинчи ва бир нечта манбалар томонидан қора танли экани тасдиқланган учинчи энага билан эса жуфтлик яхши чиқишган ва ишларидан қониққан. Аммо Калифорнияга кўчиб ўтишга тўғри келганидан кейин Арчи яна энагасиз қолган. Бунга ёрдамчи аёлнинг бошқа мамлакатга кўчиб ўтишни истамаслиги сабаб бўлган.
Фото: «Домашний очаг»
Ота ва она билан биринчи қадам
Жуфтлик фарзанди ҳаётидаги энг муҳим воқеалардан бирини ўтказиб юбормаган. Меган бу ҳақда гап кетганда: «Жуда ҳам омадлимиз, чунки энди боламиз қандай катта бўлаётганини кузатишимиз мумкин», — деган. Сўнгги йилларни Калифорнияда ўтказган оила фарзандига, омма эътиборидан ҳоли, оддий бола сифатида тарбия беришда давом этмоқда.
Фото: «Домашний очаг»
Zoom орқали суҳбатлашадиган қариндошлар
Гарри интервьюларидан бирида қироллик оиласи билан мулоқот қилишда давом этишини таъкидлаган. Улар бугунги кунда Zoom орқали гаплашиб туради. Арчи эса ҳамиша ушбу сеансларда иштирок этади ва яқинларининг овозини эшитиши билан бошқа хонадан югуриб чиқади.
Фото: «Домашний очаг»
Америкача акцент
Мухлислар эса Арчининг овозини илк бор 2021 йил арафасида Spotify мусиқий платформасидаги подкастда эшитган. Жуфтлик шоунинг янги сонида боласининг табриги билан бўлишган. Арчи ота-онасининг кетидан: «Янги йил билан», — деган. Ортидан эса отаси Гарри: «Севги ҳамиша ғалаба қозонади», — деб қўшимча қилган. Бунга мухлислар салбий реакция билдирган, кимлардир боласини яшириб юрган жуфтликнинг бирданига оммага кўз-кўз қилганига эътироз билдирган. Қироллик биографи Пенни Жунор эса Арчи саройда катта бўлаётган амакиваччаларидан яққол фарқ қилишини билдирган. «Арчи тамоман бошқача бола бўлади. Америкача акцент билан гапирадиган, машҳур одамнинг фарзандига ўхшаб катта бўлади. Унинг қўриқчилари жуда ҳам кўп бўлади. Фикримча, бу қироллик оиласини қаттиқ хафа қилади», — деган у.
Фото: «Домашний очаг»
Бола тарбияси
Қироллик оиласи Монтессори тизимидаги ўргатадиган ўйинларни жуда ҳам ҳурмат қилади. Бир вақтлар Уильям ва Гаррининг ўзи ҳам шу тизимда таълим олган, эндиликда Гарри ва Меган ҳам ўғлига ушбу педагогик усулни қўлламоқда. Бу усул ижодий фикрлашни ривожлантиришига ишонилади.
Меган ва вафли
Меган тўсатдан қарор қабул қилиш, кинода суратга тушишдан ташқари вафли пиширишни ҳам яхши билади. Бу ҳақда Гарридан хабар топган Елизавета II Рождествога совға сифатида Арчига вафли пиширадиган қурилма юборган. Шундан кейин Меган нонуштага тез-тез вафли тайёрлайдиган бўлган.
Фото: «Домашний очаг»
Ота ва велосипед
Жуфтликнинг Опра Уинфрига берган интервьюсида Гарри ўғлини қироллик саройидан узоқда катта қилиш унга ёқаётганини таъкидлаган. Улар биргаликда велосипедда сайр қилишни жуда ҳам яхши кўради. «Мен Арчини велосипеднинг орқа қисмидаги кичкина ўриндиққа ўтқазаман ва биз сайр қилгани отланамиз. Болалигимда бунинг иложи бўлмаган. Уни ўтқазганимда қўлларини очиб, атрофга ‘у-у-у’, деб бақиради. Кейин эса жуда ҳам кўп нарсалар ҳақида гапиришни бошлайди», — деган у.
Катта танаффус
Нафақат Меган ва Гарри қироллик оиласидан узоққа кетиб ўғлининг ҳаёти ўзгаришига сабаб бўлган, балки Арчи ҳам ота-онасининг дунёқараши ўзгаришига ҳисса қўшган. Меган оналик уни янги рўёбларга илҳомлантирганини таъкидлаган: «Менимча, бу куч бағишлайди, бизга болаларимиздан мерос бўлиб қоладиган дунё ҳақида ташвишлантиришга ундайди. Сиз айрим нарсаларга дош беришга тайёр бўласиз, аммо гап фарзандларингиз ҳақида кетганда, уларни қалтис вазиятда қолдиришни истамайсиз. Шунинг учун мен ҳар куни ўзимга: дунё Арчига яхши бўлиши учун нима қилишим керак, деган савол бера бошладим. Бу савол турмуш ўртоғим ва мен учун энг муҳим масалага айланди».
