Юлдузларнинг гўзаллик ва истеъдод борасида ўзидан кам бўлмаган опа-сингиллари ҳақида маълумот бериб ўтамиз.
Виктория Бекхемнинг синглиси Луиза Адамс
Викториянинг ўзидан бир ёш кичкина синглиси ота-онаси билан бирга яшайди. Унинг иккита турмушидан тўрт нафар: Финли, Таллулой-мей, Либерти ва Куинсли исмли фарзандлари бор. Дизайнер хоним синглисини энг яхши дугона деб билади. Опаси сингари модага қизиқадиган Луизанинг Хартфордшир шаҳрида ўз бутики бор. Молиявий аҳволи ёмон эмаслигига қарамай, Луизанинг иккинчи тўй харажатларини Виктория тўлаган.
Женнифер Лопеснинг сингиллари Линда ва Лесли Лопеслар
Хонанда оилада иккинчи фарзанд. Женнифердан икки ёш кичкина Линда 90 йилдан буён журналист сифатида фаолият юритади. Катта опалари Лесли мусиқа билан шуғулланади. Унинг рэпертуарида классик жанрда ижро қилинган қўшиқларни учратиш мумкин.
Никол Кидманнинг синглиси Антония Кидман
Актрисанинг синглиси Антониянинг иккита турмушидан олти нафар фарзанди бор. Биринчиси билан 2007 йилда ажрашган кичик Кидман 2010 йилдан буён иккинчи турмуш ўртоғи билан аҳил яшаб келади. Журналист сифатида фаолият юритадиган аёл АSTRА Awards мукофотига ҳам сазовор бўлган. Бир-бири билан алоқалари яхши бўлган опа-сингиллар ҳар туғилган кунда бир-бирини қанчалик яхши кўришини таъкидлашдан чарчамайди.
Пенелопа Круснинг синглиси Моника Крус
Орасида 3 ёш фарқ бўлган опа-сингилларни кўпчилик эгизак деб ўйлайди. «Кариб денгизи қароқчилари» фильмини суратга олиш жараёнида Моника ҳомиладор Пенелопанинг ўрнига кўриниш берган. Профессионал рақс билан шуғулланадиган Моника 2013 йилда фарзандли бўлган.
Кемерон Диазнинг опаси Шимер Диаз
Актрисанинг опаси ўзидан икки ёш катта. Оила қурган Шимернинг икки нафар: Хлои ва Ченнинг исмли қизлари бор. У терини парваришлайдиган воситалар ишлаб чиқариладиган компанияда ишлайди.
Изоҳ (0)