2 июнь куни соат 10:00 ларда Самарқанд вилояти Ургут туманида «Газель» автомобили жарликка тушиб кетган. Бу ҳақда вилоят ИИБ ахборот хизмати хабар берди.
Маълум қилинишича, «Омонқўтон» маҳалласи ҳудудидан ўтувчи М-39 автомобиль йўлининг 1031-километрда ҳаракатланиб келаётган «Газель»нинг радиатор суви қайнаб, тик баландликда тўхтаган.
Ҳайдовчи автомашинани қўл тормозига қўйиб, сувга тушган вақтида, автомашина ҳаракатланиб, жарликка тушиб кетган. Ҳодиса натижасида автомашинага моддий зарар етган. Жароҳат олганлар йўқ.
Ҳолат юзасидан Ургут тумани ИИО ФМБ ЙҲХБ ходимлари томонидан суриштирув ишлари олиб борилмоқда.
Аввалроқ Пахтачида пиёдага йўл бериш учун тўхтаган Nexia’нинг орқасига Isuzu келиб урилгани, Наманганда ухлаб қолган Nexia ҳайдовчиси ЙТҲ оқибатида вафот этгани, Тошкентда икки автобус иштирокида содир бўлган ЙТҲ оқибатида бир пиёда ҳалок бўлгани тўғрисида хабар берилганди.
Изоҳ (0)