Буюк Британия бош вазири Борис Жонсон ва унинг қаллиғи Керри Саймондс 2021 йил 29 май куни Лондондаги Вестминстер соборида яширинча никоҳдан ўтди. Тантанали маросимга коронавирусга қарши чекловлар туфайли 30 кишидан кўп бўлмаган энг яқинлар таклиф қилинди.
Бош вазирнинг нафақат никоҳ маросими, балки келиннинг тўй либоси ҳам ажойиб эди. Грециянинг Christos Costarellos брендига тегишли тўрли безак ва гулли кашталар билан тикилган келин либоси 2870 фунт (4080 доллар) ни ташкил қилади, аммо Саймондс бу либосни сотиб олмаган – у атиги 45 фунт (64 доллар)га уни ижарага олган. Жонсон ва Саймондснинг никоҳи ҳақидаги янгиликлардан сўнг худди шундай либос чакана сотувчиларнинг Моdesens ва Net-а-Porter сайтларида кун давомида сотилиб кетилган.
Жонсон ва Саймондс 2020 йил февралидан буён унаштирилган эди ва жуфтлик 2020 йилнинг апрель ойида ўғил кўрган. Бош вазир учун бу учинчи никоҳ бўлса, Саймондс учун биринчиси. Жонсон лавозимини эгаллагандан кейин турмуш қурган иккинчи бош вазир бўлди – биринчиси 1822 йилда уйланган Роберт Женкинсон эди.
Изоҳ (0)