Оғир операцияларни бошдан кечирган машҳурлар (фото)

Саломатликни тиклаш учун ўта хавфли операцияларни ўтказишга мажбур бўлган юлдузлар билан қуйида танишиш мумкин.

Селена Гомес

2017 йил қўшиқчи буйрак трансплантацияси бўйича қийин операцияни бошдан кечирган. Донор Селенанинг дугонаси – актриса Франция Райс эди. Биринчи марта юлдуз ўзининг ташхиси ҳақида 2015 йилда билган. Касаллик билан кураш пайтида у кимёвий терапия олган, депрессия ва ваҳимани енгишга ҳаракат қилган.

Анжелина Жоли

Беш фарзанднинг онаси 2013 йилда кўкрак бези саратони ривожланишига ирсий мойиллиги ҳақида хабар топган. Унинг онаси ва бувиси илгари ушбу касалликдан вафот этганди. Жиддий касал бўлиш хавфи туфайли юлдуз профилактика чораларини кўрди ва сут безларини олиб ташлаш бўйича операцияни ўтказди, кейинчалик тухумдонлар ва бачадон найчалари ҳам олиб ташланди. «Мен ўз фарзандларимнинг улғайиши ва невараларимни кўриш имкониятини ошириш учун тўғри танлов қилганимни ҳис қиляпман», – дейди актриса.

Эмилия Кларк

2019 йилда «Тахтлар ўйини» юлдузининг тан олишича, сериалнинг биринчи мавсумида суратга тушиш ишлари тугаганидан сўнг актриса инсультдан вафот этишига бир бахя қолган. Эмилия аневризм билан оғриган ва соғлиғидаги муаммолар деярли тасодифан аниқланган. Актриса ўша вақтда ҳушидан кетган ва касалхонага борган, у ерда дарҳол миясидан операция қилинган.  Афсуски, касаллик икки йилдан сўнг қайталаган ва актриса яна операцияни бошдан кечиришга мажбур бўлди. Лекин операция муваффақиятли якунланди.

Сара Хайленд

«Вампирлар академияси» юлдузи тўққиз ёшга тўлганида шифокорлар унга буйрак дисплази ташхисини қўйган. 2012 йилда Сара биринчи трансплантацияни амалга оширган ва отаси донор сифатида иштирок этган. Афсуски, орган илдиз отмаган, шунинг учун 2017 йилда уни олиб ташлашга тўғри келган. Шундан сўнг юлдуз депрессия билан курашди, лекин ўзини қўлга олди ва тез орада яна бир трансплантация амалга оширилди. Бу сафар акаси унга буйрагини ҳадя қилди. Яхшиямки, бу сафар ҳаммаси яхши бўлиб чиқди ва актриса нормал ҳаётга қайтишга муваффақ бўлди.

Кристина Эпплгейт

«Жуда ёмон оналар» фильмининг юлдузи кўкрак саратонига қарши 2008 йилда курашган. У бундай ташхисга руҳан тайёр эди, чунки бундан олдин онаси ҳам кимёвий терапиядан муваффақиятли ўтганди. Натижада узоқ муддатли даволанишдан сўнг Кристина ўсманинг қайта ривожланиш эҳтимолини бартараф қилиш учун иккала сут безини олиб ташлаш бўйича операцияни бошдан кечирди.