Қашқадарё вилоятининг Чироқчи туманида уруғсиз қора тарвуз етиштирилди. Бу ҳақда Давлат божхона қўмитаси матбуот хизмати хабар берди.
Маълум қилинишича, туманнинг «Ўтамайли» ҳудудида ҳар йили май ойининг биринчи ўн кунлигида қовун ва тарвузлар мамлакатда биринчи бўлиб пишиб етилади ҳамда экспортга жўнатилади.
Бу йил тарвуз етиштиришда яна бир янгиликка қўл урилган — деҳқонларнинг тинимсиз изланишлари ва меҳнати натижасида уруғсиз қора тарвузлар етиштирилган.
«Россиялик харидорларнинг тавсияси билан илк маротаба тарвузнинг янги Style навини етиштирдик. Лалми ерларда қурилган иссиқхоналарда парваришланган тарвузлар экспортга мўлжалланган. Ҳосил кўрганингиздек май ойида тайёр бўлди», — дейди Улуғбек Жуманазаров.
Эслатиб ўтамиз, 2020 йилда Қашқадарё вилоятидан Россияга сариқ тарвуз экспорти йўлга қўйилгани тўғрисида хабар берилганди.
Изоҳ (0)