«Беқарор» сериали юлдузи Эбру Шаҳин турмушга чиқяпти

CNN Turkiye телеканали ва ТВ gazete нашри «Беқарор» сериалидаги роли билан машҳур бўлган Эбру Шаҳин ҳамда баскетболчи Жеди Османнинг режалаштирилаётган тўйи ҳақидаги маълумотларни эълон қилган.

Унаштирувни яширинча ўтказишни режалаштирган жуфтлик уларнинг режалари матбуотда овоза қилинганидан норози бўлган. Эбру ва Жеди 2021 йилнинг 25 июнида унаштирилишга, 2022 йил сентябрда эса турмуш қуришга қарор қилган. Унаштирувнинг тезлаштирилишига баскетболчининг онаси сабабчи бўлган. «Бир-бирингизни севгандан кейин, кутишга не ҳожат, оила қуриш вақти келди», — деган у.

https://www.instagram.com/p/CFHUtfWgySk/

Юлдузли жуфтликнинг режалари ҳақида ОАВда маълумот тарқалганидан кейин Шаҳин, журналистларга маълумот берган айрим дўстлари билан муносабатларига нуқта қўйган.

https://www.instagram.com/p/CJd8RvFhpmb/

Эслатиб ўтамиз, Эбру Шаҳин эфирга узатилганининг биринчи ҳафтасидаёқ рейтингларда етакчилик қилган «Беқарор» сериалидан аввал «Истанбуллик келин»да ҳам суратга тушган, аммо унга ҳақиқий омад Рейян ролини гавдалантиргандан кейин келган.