CNN Turkiye telekanali va TV gazete nashri “Beqaror” serialidagi roli bilan mashhur bo‘lgan Ebru Shahin hamda basketbolchi Jedi Osmanning rejalashtirilayotgan to‘yi haqidagi ma’lumotlarni e’lon qilgan.
Unashtiruvni yashirincha o‘tkazishni rejalashtirgan juftlik ularning rejalari matbuotda ovoza qilinganidan norozi bo‘lgan. Ebru va Jedi 2021-yilning 25-iyunida unashtirilishga, 2022-yil sentabrda esa turmush qurishga qaror qilgan. Unashtiruvning tezlashtirilishiga basketbolchining onasi sababchi bo‘lgan. “Bir-biringizni sevgandan keyin, kutishga ne hojat, oila qurish vaqti keldi”, — degan u.
https://www.instagram.com/p/CFHUtfWgySk/
Yulduzli juftlikning rejalari haqida OAVda ma’lumot tarqalganidan keyin Shahin, jurnalistlarga ma’lumot bergan ayrim do‘stlari bilan munosabatlariga nuqta qo‘ygan.
https://www.instagram.com/p/CJd8RvFhpmb/
Eslatib o‘tamiz, Ebru Shahin efirga uzatilganining birinchi haftasidayoq reytinglarda yetakchilik qilgan “Beqaror” serialidan avval “Istanbullik kelin”da ham suratga tushgan, ammo unga haqiqiy omad Reyyan rolini gavdalantirgandan keyin kelgan.
Izoh (0)