Кенг этакли юбкалар, катта ҳажмли енглар, алоҳида таъкидланган бел қисми – ушбу мавсумда «қўғирчоқ» либослар мода майдонига кириб келди. Бу каби либосларда ҳар бир қиз ўзини малика каби ҳис қилади. Қуйида ёзги кўринишга мос келадиган 10 та замонавий либос билан танишиш мумкин.
Чироқ шаклидаги енг, катта бичимдаги ёқа, шаклини яхши сақлайдиган мато – бу кийим кундалик ва кечки учрашувларга жуда мос келади. Ушбу либосни «мери жейн» пойабзаллари, кроссовка ёки нафис сандаллар билан кийиш мумкин. Аксессуар сифатида нақшли ҳамён ва кашта тикилган кичик сумкани танлаш тавсия этилади.
Майда нақшли чиройли қўғирчоқ либоси белбоғ туфайли ҳам белга алоҳида урғу беради ва бу каби ёқалар бўйни визуал равишда узайтиришга ёрдам беради. Ушбу кўйлакни ёпиқ балетка ва кичкина тўқилган сумка билан тўлдириш мумкин.
Кечки тадбир – битирув кечаси, тўй, туғилган кун учун мос келади. Нозик сиёҳранг ва бежирим безаклар, албатта, ҳар қандай қизга кўрк бағишлайди.
Кундалик кийиш учун оч ферузаранг миди узунликдаги либосни танлаш мумкин. Либосни жигарранг чарм сандаллар, шарф ва савацимон сумка билан кийиш тавсия этилади.
Бел қисми юқоридан бичилган қора либос оқ рангдаги енгил оёқ кийимлар билан ажойиб уйғунликни ҳосил қилади. Бундан ташқари, аксессуар сифатида кўзойнак ва соч тасмасини қўшиш мумкин.
Орқа томони боғланадиган хира пушти либос чиройли романтик қиёфа яратишга ёрдам беради. Образни нозик пошнали туфли ва зираклар билан бойитиш мумкин.
Баланд бўйли, узун оёқ эгалари учун ушбу кўйлак айни муддао. Унга энг яхши қўшимчалар – шляпа ва тутқичи кичик сумкадир.
Оддий, аммо драматик нарсаларни излаётганлар учун этакли юбка ва енглари шиширилган кўйлак тавсия этилади. Балетка, кроссовка ва сандаллар билан уйғунлашган либос образни янада бойитади.
Ушбу модель ёзги кечалар учун ечим ҳисобланади. Унга оқ рангдаги оёқ кийим ва заргарлик буюмларни қўшиш билан янги кўринишни ҳосил қилиш мумкин.
Изоҳ (0)