Boks bo‘yicha kattalar o‘rtasidagi Osiyo chempionatining final bahslari 31-may, dushanba kuni o‘tkaziladi.
O‘nta vazn toifasining yettitasida o‘zbekistonlik bokschilar finalga qadar yetib kelgan.
Shahobiddin Zoirov musobaqada birinchi raqamda saralangan hindistonlik Amit bilan to‘qnash keladi. O‘z vazn toifasining yetakchilari bo‘lgan Mirazizbek Mirzaxalilov va Bobousmon Boturov ikkinchi raqamli bokschilarga qarshi ringga ko‘tariladi.
Musobaqaning eng markaziy jangi og‘ir vazn toifasi vakillari o‘rtasida kechadi. Unda o‘zbekistonlik bokschi Bahodir Jalolov Qozog‘iston vakili Kamshibek Kunkabayevga qarshi jang qiladi.
Final janglari Toshkent vaqti bilan 19:00 dan keyin boshlanadi. Janglar videosini bu yerda kuzatib borish mumkin — havola.
Final juftliklari bilan tanishing:
- -49 kg: Nodirjon Mirzaahmedov — Daniyal Sabit (Qozog‘iston)
- -52 kg: Shahobiddin Zoirov — Amit (Hindiston)
- -56 kg: Mirazizbek Mirzaxalilov — Xarku Enx-Amar (Mo‘g‘uliston)
- -60 kg: Erdenebat Tsendbatar (Mog‘uliston) — Daniyal Shohbahsh (Eron)
- -64 kg: Shiva Tapa (Hindiston) — Batarsux Chinzorig (Mo‘g‘uliston)
- -69 kg: Bobousmon Boturov — Ablayxan Jusupov (Qozog‘iston)
- -75 kg: Saidjamshid Jafarov — Abilxan Amankul (Qozog‘iston)
- -81 kg: Dilshodbek Ro‘zmetov — Meysam Geshlagi (Eron)
- -91 kg: Vasiliy Levit (Qozog‘iston) — Sanjit (Hindiston)
- +91 kg: Bahodir Jalolov — Kamshibek Kunkabayev (Qozog‘iston)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)