Қозоғистоннинг Air Astana авиакомпанияси Олмаотадан Самарқандга тўғридан-тўғри мунтазам авиарейсларни амалга оширади, деб хабар қилди компания матбуот хизматига таяниб Spot.
Янги қўйилаётган рейслар 9 июндан бошлаб чоршанба ва якшанба кунлари Airbus А321 лайнерида қуйидаги жадвал асосида амалга оширилади.
Чоршанба кунлари:
- Олмаота–Самарқанд: учиш – 15:40, қўниш 16:15
- Самарқанд–Олмаота: учиш – 17:45, қўниш 20:20
- Олмаота–Самарқанд: учиш – 11:20, қўниш 11:55
- Самарқанд–Олмаота: учиш – 13:25, қўниш 16:00.
Эконом-класс бўйича солиқларни ҳисобга олган ҳолда, икки томонлама авиачипта нархи 69 481 тенге (тахминан, 1,7 миллион сўм) ва бизнес-класс учун 221 332 тенге (5,4 миллион сўм) этиб белгиланган.
Самарқанд Air Astana доимий рейсларни амалга оширадиган Ўзбекистондаги иккинчи шаҳарга айланади. Авиакомпания 2010 йилдан буён Тошкентга тўғридан-тўғри рейсларни амалга ошириб келмоқда.
Бундан аввал Uzbekistan Airways 15 июндан бошлаб Домодедово аэропортидан парвозларни қайта йўлга қўйиши, Ўзбекистон ва БАА ўртасида авиарейслар сони оширилиши ҳамда Uzbekistan Airways АЖ Японияга рейсларни вақтинча бекор қилгани ҳақида хабар берилганди.
Изоҳ (0)