Shimoliy koreyaliklarning ish haqidan 16 baravar ko‘p bo‘lgan sumkalar, ingliz gersoginyasi uslubidagi libos va kalta yubkalar – Kim Chen Inning rafiqasi qanday uslubda jamiyat oldida ko‘rinish beradi?
Shimoliy Koreya rahbarining turmush o‘rtog‘i haqidagi ma’lumotlar eng maxfiy ma’lumotlardan biridir. Albatta, ko‘pgina dalillarni tekshirish imkonsiz. Hatto uning necha yoshda ekanligi ham ma’lum emas. Ba’zi manbalarda u 1989-yilda tug‘ilgan va pxenyanlik o‘qituvchi hamda shifokor oilasidan chiqqan deyiladi. Va buni faqatgina ularning yaqinlarigina biladi.
Li Sol Ju Shimoliy Koreyada o‘rnatilgan siyosiy rejimning haqiqiy nuridir. G‘arb ommaviy axborot vositalari uning Kim Chen In bilan Xitoyga tashrifidan so‘ng shunday qarorga keldi. Birinchidan, bu Shimoliy Koreya rahbarining rafiqasining omma oldida birinchi ko‘rinishi – na mamlakatning amaldagi rahbarining otasi, na bobosi o‘z xotinlarini sayohatga olib borgan. Ikkinchidan, Koreya birinchi xonimining uslubi dunyodagi eng yopiq mamlakatda liberalizmni aks ettirdi.
Ko‘pchilik uning shahzoda Uilyamning rafiqasi Keyt Middlton bilan kiyinishdagi o‘xshashligini ta’kidladi. U bir xil rangdagi va shu kabi uslubdagi bitta rangli kostyumlarni tanlaydi. O‘z mafkurasiga ega davlat rahbarlaridan kutish mumkin bo‘lgan jiddiylikdan qochib, nafis ko‘rinishga harakat qiladi.
Shuningdek, Shimoliy Koreya birinchi xonimining Chanel va Dior brendidagi sumkalar bilan ham ko‘rishgan. Ularning narxi bir necha ming dollarga teng. Bu Shimoliy Koreyada yashovchi aholining o‘rtacha ish haqidan 16 baravar ko‘p.
Shimoliy Koreyada moda haqida gapirish qiyin. Mahalliy ishlab chiqarishga ega bo‘lgan yopiq mamlakat keng tanlov bilan maqtana olmaydi. Ularda ilhom oladigan joy ham yo‘q. Ammo bu ikkinchi muammo. Birinchisi – qashshoqlik va qiyin turmush sharoitlari, unda kiyim haqida o‘ylash qiyin. Biroq Li shunga qaramay, kiyinish borasida ba’zi erkinliklarni kiritdi. Endi ayollar poshnali va platformali tuflilar, shimlar va kalta yubkalar kiyishlari mumkin.
Li deyarli hech qanday zargarlik buyumlariga murojaat qilmaydi. Faqatgina uni qora bilaguzuk va to‘g‘nog‘ichda ko‘rish mumkin.
Shunga qaramay, Shimoliy Koreya rahbarining turmush o‘rtog‘ini Keyt Middlton va Megan Markl bilan qanchalik qiyoslab bo‘lmaydi.
Ularning millati turlicha bo‘lishi bilan birga, xonim o‘z fuqarolariga o‘rnak ko‘rsatib, mamlakatida ishlab chiqarilgan kiyimlarni kiyadi.
Izoh (0)