Бугун,

  • USD 11095.31
  • RUB 173.84
  • EUR 10772.44

Польшада бўлиб турган Nexta Telegram каналининг асосчи ва муаллифларидан бири Степан Путило мамлакат ҳукуматидан ўзи ҳамда каналнинг бошқа ходимларини ҳимоя қилиш учун қўриқлаш тизимини янада кучайтиришни сўради. Бу ҳақда «Korrespondent.net» хабар берган.

Степан Путило ҳамда Роман Протасевич

Степан Путило ҳамда Роман Протасевич
Фото: Политринг

Путило лойиҳа таҳририятига турли таҳдидлар келиб тушаётгани ва ходимлар таҳликага тушиб, қўрқаётгани ҳақида гапирган.

«Биз ўз ҳаётимиз ва соғлиғимиздан хавотирдамиз», – деган Путило.

Аввалроқ Минскда самолётни фавқулодда қўндирган ҳолда ҳибсга олинган Nexta собиқ бош муҳаррири Роман Протасевичнинг онаси ўғлининг Беларусда оммавий норозиликлар ўтказишга ҳеч кимни даъват этмагани, фақат мамлакатда содир бўлган воқеаларни канал орқали ёритганини қайд этганди.

Шунингдек, Беларусь кучишлатар тизимлари эълон қилган видеога кўра қўлган олинган Протасевичга жисмоний куч ишлатиш, уни тегишли кўрсатмалар беришга мажбурлаш ҳолатлари кузатилаётгани тахмин қилинган.

Беларусь президенти Александр Лукашенко самолётнинг фавқулодда қўндирилганига изоҳ берган ва Протасевични «қонли исён» тайёрлашга уринишда айблаган. АҚШ, Буюк Британия ҳукуматлари Беларусни Роман Протасевични зудлик билан озод қилишга чақирган. Кўплаб халқаро авиакомпаниялар мазкур ҳаракат сабаб Минскдан учиб ўтишни, бу ерга қўнишни амалга оширишни чеклаб қўйган.

Изоҳ
Асосий янгиликлар
Маҳаллий
Ўзбекистонда Италиянинг аграр соҳага оид университетлари филиаллари очилади
Дунё
Россияда “Сарой тўнтаришлари”нинг бошланиши, парвоз вақтида портлаб кетган “Челленжер” ва генерал Власовнинг хоинлиги. Кун хронологиясида 28 январь
Маҳаллий
Ўзбекистон ва Қирғизистон фуқаролари икки давлатга ID карта орқали ўтиши мумкин бўлади