Инвестиция қилиш имконини тақдим этувчи, Ўзбекистондаги биринчи апарт-отель Wyndham Residences бренди остида ишга тушади.
Апарт-отеллар орқали инвестиция қилиш жаҳонда кенг тарқалган бўлсада, Ўзбекистон учун янгиликдир. Ушбу турдаги уй-жойлар АҚШ ва Европада машҳур. Шунингдек, улар Россияда талабга сазовор бўлиб бормоқда. РБК апарт-отелларни кўчмас мулкнинг келажаги порлоқ ва ишончли форматларидан бири, деб номлайди. Бу каби объектни ҳам жисмоний, ҳам юридик шахслар харид қилиши мумкин. Апартаментларни ижарага беришдан тушадиган даромад, оддий хонадонни ижарага беришдан кўпроқдир.
Апарт-отел нима?
Апарт-отель — меҳмонхона қулайлиги ва хонадон шинамлигини бирлаштирган турар жой мажмуаси. Хоналар ётоқхона, иш жойи, ювиниш хонаси ва ошхонага эга ихчам студияларни ташкил этади. Апарт-отелда 24 соатлик қабулхона ишлайди. Истиқомат қилувчилар у ерда кир ювиш, тозалаш, ресторандан овқат етказиб бериш каби қўшимча меҳмонхона хизматларига буюртма бериши мумкин.
Меҳмонхонада одамлар бир неча кун яшашса, апарт-отелга бир неча ҳафта ёки ойга жойлашишади. Кўчмас мулкнинг ушбу формати фаровон ҳаёт кечириш учун йирик майдонга муҳтож бўлмаган ёшлар ҳамда бошқа мамлакат ва шаҳарлардан узоқ муддатга хизмат сафарига келган мутахассислар орасида машҳурдир.
Wyndham Hotels & Resorts — йирик халқаро меҳмонхоналар тармоғи. У жаҳоннинг 90 мамлакатидаги 9000 тадан ортиқ меҳмонхоналарни бирлаштиради. Апартаментлар билан иш юритиш Wyndham Residence бренди остида алоҳида йўналишга бириктирилган. Тармоқнинг апарт-отеллари АҚШ, Греция, Бангкок ва Туркияда қурилган. 2021 йилда Wyndham Residences’нинг Тошкентда қурилиши бошланди.
Унинг меҳмонхонадан асосий фарқи — ҳар бир хонанинг ўз эгаси мавжудлигида. Студияни ҳам яшаш учун, ҳам ижарага бериш учун харид қилиш мумкин.
Апарт-отеллар инвесторларни нима билан жалб этади?
Апарт-отелда кўчмас мулкни харид қилиш хонадон харидига ўхшаш. Ижарага топшириб, пассив даромад кўрадиган объектга бўш маблағингизни сарфлайсиз. Оддий уй эгаси хонадоннинг хизматлари учун вақт ва куч сарфлашига ҳожат йўқ, апарт-отелда барчаси бутунлай бошқарувчи компаниянинг зиммасига юкланади. Шундай қилиб, апартмент эгаси қуйидагиларни бажариши керак бўлмайди:
- ишончли ижарачиларни излаб, эълон бўйича қўнғироқларга жавоб бериш, хонадонни кўрсатиш, ҳужжатларни расмийлаштириш билан шуғулланиш. Сизни ишингиздан чалғитмаган ҳолда барчаси билан бошқарувчи компания шуғулланади;
- ижарачиларнинг тўловни амалга ошириш имкони ҳақида ташвишланиш. Тўловлар ўз вақтида, тўлиқ ҳажмда бошқарувчи компаниядан тушиб туради;
- маиший масалаларнинг ечимини топиш. Хонадонда қувур ёрилиб ёки бошқа ғайритабиий вазиятлар юзага келган ҳолда ижарачилар хонадон эгасига масалани ҳал қилиб беришини талаб этиб қўнғироқ қилмайди. Улар бошқарув компаниясига мурожаат этишади.
Апарт-отелнинг фойдалилигини 3 та кўрсаткич бўйича баҳолаш мумкин:
1. Жойлашиши
Инвестиция киритиш объекти ободон, ривожланган инфратузилмали ва транспортларга, марказга яқин масканда жойлашгани маъқулдир. Ушбу жойда уй-жойлар қанчалик кўп талабга эга бўлса, апарт-отель шунча кўп даромад келтиради.
2. Қурилиш ва жиҳозлашнинг сифати
Апарт-отелда кўчмас мулк харидори деворлар қалинлиги ва товуш ўтказмаслигига эътибор қаратиши лозимдир. Негаки кейинги истиқомат қилувчилар қўшни хоналардаги шовқинга тоқат қилмайди. Шунингдек, таъмирлов ишлари, техника сифати ва дизайнерлик ечимлар аҳамиятга эга.
Wyndham Residences апартаментлари тармоқнинг ягона жаҳон стандартлари асосида қурилиб, жиҳозланиб, бошқарилади.
3. Бренднинг таниқлилиги
Апарт-отель ёки бошқарувчи компания кўчмас мулк соҳаси бозорида муваффақиятли лойиҳалари билан танилган бўлса, уларнинг объектларига талаб кучлироқ бўлади. Wyndham’нинг таҳлилчилари Wyndham Residences апарт-отелларига хорижий мутахассислар томонидан қўшимча қизиқиш бўлишини тахмин қилмоқда. Дунё бўйлаб одамлар Wyndham’ни билиб, тармоққа ишонч билдиришади.
Қаерга сармоя киритиш фойдалироқ: хонадонга ёки апарт-отелга?
Апарт-отелга инвестиция қилиш хавф даражасининг пастлиги билан фарқланиб, хонадон харид қилишдан ишончлироқдир. Шу билан бирга, ушбу объектларнинг даромад келтириши бир неча фоизга юқорироқдир.
Якуний даромад кўчмас мулкнинг жойлашиши, ҳажми, масканнинг синф даражаси ва бошқарув компанияси билан ҳамкорлик моделига боғлиқ. Wyndham Residences’да инвестор аниқ даромадни танлаш имконига эга (ойига 500 дан 1000 АҚШ долларигача) ёки бошқарув компанияга иш ҳақи комиссиясини тўлаш шарти билан ижара ҳақини тўлиқ олиши мумкин.
Wyndham Residences апарт-отели орқали инвестициялар ҳақида батафсил маълумот олинг.
Сайт: wyndhamresidences.uz
Телефон рақам: +99855 500 88 11
Реклама ҳуқуқи асосида.
Изоҳ (0)