Футбол бўйича Ўзбекистон Суперлигасининг 9-турида «Сўғдиёна» 18 май, сешанба куни «Қўқон-1912» билан баҳс юритди.
Қўқонда кечган баҳсда умумий ҳисобда 5 та гол урилди. Эътиборлиси, голларнинг барчаси биринчи бўлимда киритилди. 1-дақиқада Сардорбек Азимов мезбонларни ҳисобда олдинга олиб чиққанди. Аммо шундан сўнг жиззахликлар кетма-кет уч бора рақиб дарвозасига йўл топишни уддалади. Голларга Жавоҳир Қаҳрамонов (дубль) ва Жамшид Болтабоев муаллифлик қилди. Бўлимга қўшиб берилган дақиқаларда эса Якуба Бамба ҳисобни қисқартирди. Шу тариқа «Сўғдиёна» сафарда кечган баҳсда иродали ғалабага эришди.
«Қўқон-1912» — «Сўғдиёна» ўйинида урилган голларни бу ерда кўриш мумкин — видео.
Суперлига
9-тур баҳси
18 май, сешанба
«Қўқон-1912» — «Сўғдиёна» 2:3
Голлар: 1:0 — 1 Азимов, 1:1 — 32 Қаҳрамонов, 1:2 — 35 Болтабоев, 1:3 — 36 Қаҳрамонов, 2:3 — 45+2 Бамба.«Қўқон-1912»: 16. Элдор Адҳамов, 3. Бобур Акбаров (91. Якуба Бамба, 41), 7. Асад Собиржонов (22. Муҳаммаданас Ҳасанов, 46), 10.Шоҳназар Норбеков (9. Ҳамидулло Абдуҳамидов, 60), 11.Мўмин Мелиев (99. Андрей Сидоров, 80), 13. Сардор Азимов, 14. Авазхон Маматхўжаев, 15.Ойбек Рустамов (5. Фарҳод Бекмурадов, 41), 23.Александр Мерзляков, 33. Иван Ёсович, 70. Мурод Холмуҳаммедов.
«Сўғдиёна»: 27. Милан Митрович, 2. Сардор Қулматов, 5. Аюбхон Нўмонов, 6. Искандар Шойқулов, 8. Жамшид Болтабоев (14. Даниэль Насриддинов, 71), 10. Шоҳруз Норхонов (20. Баҳодир Насимов, 80), 11. Жасур Ҳасанов (28. Эргаш Исмоилов, 57), 19. Жавоҳир Қаҳрамонов (77. Саҳоб Рашидов, 80), 31. Лука Чермел, 63. Асилжон Бегимқулов (4. Элёр Орипов, 71), 93. Марко Колакович.
Огоҳлантириш: Иван Ёсович (28), Шоҳруз Норхонов (45+1), Искандар Шойқулов (63), Ҳамидулло Абдуҳамидов (66), Бахтиёр Ашурматов (74), Лука Чермел (80), Даниэль Насриддинов 90+5.
Изоҳ (0)